خالد يوسف عن فيلم "الريس عمر حرب": النسخة اللي اتعرضت في السينما فيها جرعة مشاهدة جريئة أكتر بكتير

نهال ناصر | فى سينما وتلفزيون

خالد يوسف

الأربعاء , 24 يونيو 2026 - 13:36 | اخر تحديث: الأربعاء , 24 يونيو 2026 - 13:37

كشف المخرج خالد يوسف أن نسخة فيلم "الريس عمر حرب" التي عرضت في السينما مختلفة تماما عن التي عرضت في التليفزيون، بها مشاهد جريئة أكثر.

وقال خالد يوسف خلال لقائه في برنامج "خارج النص": "المشاهد الجريئة في فيلم "الريس عمر حرب" ليها سببين الأول أن الفيلم دا بيتكلم على مثلث الغواية الشيطان بيقدر يغوي الشيطان بإيه، في مثلث ذهبي هو السلطة والثورة والجنس دول الـ3 غوايات الكبرى في الإنسان، والبشر متقسمين أنا حبيت أطلع المثلث زي ما هو جرعة المشاهد الجنسة في هذا الفيلم زيادة عن أي فيلم لأن الفيلم بيتكلم عن دا غواية السلطة والثورة والجنس".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع خالد يوسف: "السبب التاني لو شفتوا الفيلم في السينما هتلاقوا جرعة المشاهدة دي زائدة عن اللي بنشوفها في التليفزيون بكتير والسبب إن كان صدر لي قرار بعد مشاكل أفلام "هي فوضى" و"حين ميسرة" أن أفلامي تتراقب في مؤسسات سيادية وليست الرقابة على المصنفات الفنية كنت أروح للرقابة يقولولي أنت عايز تنزل الفيلم قريب وعلى ما نوزعه على الجهات ويشكلوا لجنة هيفوت وقت طويل، توجه ليهم مباشرة وهات منهم جواب الرفض والسماح".

نرشح لك: "المهن التمثيلية" تقرر إحالة فادي خفاجة للتحقيق

الريس عمر حرب

وأكمل خالد يوسف: "رحت للجهات دي ولقوا الفيلم مفيهوش أي حاجة سياسية تمنعه أدوني الموافقة بسهولة وكتبولي التصريح ووديتهولهم في الرقابة وأستاذ علي أبو شادي أخد الورق وقالي هديك الترخيص سألته مش هتشوفه قالي هشوفه ليه مش هما أدوك الموافقة، قلت له عايزك تشوفه أنا سايب مشاهد طويلة ومستني الرقابة، قالي مش هينفع لأن خلاص في جواب أن الفيلم تم الموافقة عليه وفي ختم نسر ولو شلته تبقى مشكلة، فطلبت منه أنه يكون "للكبار فقط" بعد كده الفيلم اتخفف جامد الحمد لله بعد ما راح التليفزيون وأنا مبسوط".

فيلم "الريس عمر حرب" بطولة هاني سلامة وسمية الخشاب وغادة عبد الرازق وخالد صالح، تأليف هاني فوزي وعرض في عام 2008