هند صبري: بنتي بتتفرج على "ويجا" من باب الضحك

مي جودة | فى حياة المشاهير

هند صبري

الاثنين , 15 ديسمبر 2025 - 04:12 | اخر تحديث: الاثنين , 15 ديسمبر 2025 - 04:12

روت الفنانة هند صبري قصة مضحكة عن علاقة ابنتيها بفيلم "ويجا" الذي قدمته 2005.

قالت هند صبري: "بنتي عالية بتتفرج على (ويجا) من باب الضحك، وعمالين يقولوا كام ويجا كام ويجا"، وعلقت إسعاد يونس مؤكدة أن أحفادها يشاهدون أفلام رعب عالمية مثل Scream لغرض الضحك والسخرية من المشاهد المرعبة، وذلك خلال حلولها ضيفة في برنامج "صاحبة السعادة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتحدثت هند صبري عن طريقة تربيتها لابنتيها، وقالت: "أنا لايصة في تربية بناتي، ما بين التربية الحديثة والتربية الصارمة اللي أنا اتربيت عليها، يعني مامتي مُدرسة فبالنسبة لها التفوق الأكاديمي مهم جدًا، وأنا بحاول أعلمهم كدا، وأحمد جوزي مش من أنصار الطريقة دي، هو شايف أنه كويس أوي أنهم بيروحوا المدرسة، لما بقول لبناتي كدا بيقولولي مش لازم نكون زيك، ولو كنت قولت كدا لأمي كانت ضربتني بالشبشب على طول".

وحكت هند صبري عن تجربتها مع ابنتها عاليا على منصة تيك توك، حيث طلبت منها الأخيرة أن تساعدها لتتعلم وتستفيد من خبرتها: عاليا قالتلي لازم اعمل معاكي تيك توك عشان استفيد منك بأي حاجة وأشوف أي حاجة من وشك.. عملت معاها أول فيديو، وهي دخلت تشوف التفاعل لقت كومنتات مش حلوة وساعتها شوفت إحباط في عينيها وقالتلي شيلي الفيديو.

يذكر أن فيلم "ويجا" شارك في بطولته كل من منة شلبي وشريف منير وهاني سلامة ودوللي شاهين ومحمد الخلعي ومن إخراج خالد يوسف.