مي كمال طليقة أحمد مكي: زواجي منه مكنش سري بل أمر خاص ... انفصلت عنه حفاظا على حياته

مي جودة | فى حياة المشاهير

أحمد مكي ومي كمال

الأحد , 21 سبتمبر 2025 - 00:09 | اخر تحديث: الأحد , 21 سبتمبر 2025 - 17:09

كشفت الدكتورة مى كمال الدين، أخصائية التجميل، وطليقة الفنان أحمد مكي، عن سبب لجوئها لمواقع التواص الاجتماعي لإعلان طلاقها من النجم الشهير بعد فترة طويلة من وقوعه.

قالت مي كمال: "أنا صعب أكون بستخدم السوشيال ميديا، بس الفكرة إن أنا حابة أوضح لأن الموضوع زاد عن حده، والموضوع هيمس أحمد أوي، وأنا يهمني أحمد أكتر ما يهمني نفسي، لأن أنا مش شخص مشهور، والموضوع باختصار، كنت أعرف أحمد من زمان جدا والموضوع اتحول بطريقة محترمة، وماشوفتش منه حاجة وحشة، بس الثقافة المصرية صعبة في التعامل، أنا بحاول أتعامل معها بقالي فترة وخصوصا بعد وفاة والدته، الله أعلم هل دول أعداء، هل دول بيحبوه زيادة عن اللازم بس الحب دا اتقلب ضده، فكنت حابة إني أوضح"، وذلك خلال مداخلة هاتفية عبر برنامج "كلمة أخيرة" الذي يقدمه أحمد سالم.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت مي كمال: اللي كان بيني وبين أحمد مكنش سري ولا حاجة، بس في حاجة اسمها خصوصية، جاير في ناس كتير أوي مش فاهمين يعني إيه خصوصية، لكن لما الموضوع زاد حبيت أوضح، الراجل دا لا أذاني ولا شوفت منه حاجة، دا "أغلى من الياقوت" في حياتي، سواء انفصلت عنه أو كملت معه، ولكن لانفصال وقع، لكنه سيظل أغلى من الياقوت، في حاجات كتير حبيت أوضحها، ومكنتش أحب إن أنا أكتب إن أنا انفصلت عن أحمد ومن فترة طويلة، أولا حفاظا على حياته هو الأول، ثانيا حفاظا على حياتي لأن أنا ماشوفتش منه حاجة وحشة، خصوصا أن هو ظهوره ووجوده في حياتي أضاف ليا أوي.

أحمد مكي

وأضافت مي كمال: زواجنا استمر لمدة طويلة تصل لـ3 سنوات، واللي أفسدوا الزيجة مش من الوسط الفني، ولا عيلته، الناس اللي شغالين معه أنا مش عايشة في مصر، لكن من الناس المقربين له، اللي شغالين معه، وأسرته مكنتش موجودة لأن أغلبهم عايشين برا مصر وانا بحترمهم جدا، الفكرة كانت أن الناس عارفة لكن في مصر مش عارفين أنا مين وأنا مكنتش فاهمة أنتم شايفني ايه، وبقيت اتهام واتشتم على انستجرام الخاص بي لو كتبت حاجة عن أحمد أو دافعت عنه كفنان، الاقي كلام مش حلو وناس بتخش في تفاصيل حياتي بطريقة صعبة جدا.

واستطردت مي كمال: أحمد من النوع اللي مابيحبش السوشيال ميديا، وعارفة ان الموضوع دا أكيد أكيد هيضايقه، بس أنا طبعا بعتذر له، لكن أنا حقي طالما احنا الاتنين كنا مشتركين فيها، دي حاجة فيها شراكة، أنا كنت بعلن عن اللي بينا بطريقة لطيفة بنجاحه باهتمامي الزائد أنا مش من النوع اللي بهتم بأي ممثل.

أحمد مكي

واستكملت مي كمال: زواجنا لم يكن سري هو بس كان خصوصية، وأغلب الناس شافونا مع بعض في مصر، وعلاقتنا بعد الانفصال مش قطيعة لكن فيه مودة ورحمة، ولا هقبل عليه إن اسمع عنه كلام وحش، وان عنده وسواس حسد وله علاقة بأشخاص، رغم أن احنا الانفصال من بعد وفاة والدته، والسبب ناس شغالة عنده وقعوا بيننا، واللي بتمناه انه يبعدهم عن أحمد، هم ناس وحشة، الشخص دا تعب كتير في حياته ومسالم جدا

واختتمت مي كمال المداخلة، قائلة: "أتمنى أشوف أحمد في أفضل حال سواء معايا أو مع غيري".

اقرأ أيضا:

أحمد سعد يرفع علم فلسطين ... ومحمد سعد والسقا وأحمد رزق والنجوم يتألقون في حفل توزيع جوائز "دير جيست"

مروان موسى بإطلالة رياضية في أحدث حفلاته الغنائية

إيناس الدغيدي في أول ظهور لزوجها: قررت أنا وزوجي إلغاء الاحتفال البسيط بفرحتنا ... ولنا لقاء سري لن يعرفه الحاسدون

فيديو - ياسمين عبد العزيز بالحجاب في الأراضي المقدسة

لا يفوتك: ريمونتادا وخفة دم ونزاهة.. بداية نارية في الحلقة الأولى من "غالب ولا مغلوب"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5