شريف رمزي: حبيت كل البطلات اللي اشتغلت معاهم

نهال ناصر | فى حياة المشاهير

شريف رمزي

الجمعة , 14 فبراير 2025 - 13:42 | اخر تحديث: الجمعة , 14 فبراير 2025 - 13:42

حل الفنان شريف رمزي ضيفا على برنامج "أسرار النجوم" من تقديم إنجي علي عبر إذاعة وقناة "نجوم FM".

وخلال اللقاء أجاب شريف رمزي على سؤال حول أكثر قصة حب قدمها في أعماله وأحبها، وقال: "في الأعمال عشت قصص حب بتوصل لمرحلة في الأفلام لو في قصة حب في فيلم لازم تتوحد مع الشخصية اللي بتقدمها وتحس أنك فعلا أنت الشخصية دي ولو الشخصية بتحب بطلة في أوقات مش ببقى عارف أنا بحبها عشان المفروض بحبها ولا بحبها بجد ولا دا عشان الدور، بيبقى في اختلاط كده إلى أن الفيلم بيخلص الواحد بيرجع لحياته الطبيعية".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

شريف رمزي قي برنامج أسرار النجوم

وأكمل شريف رمزي: "أثناء ما الممثل أو النجم بيشتغل لو في قصة حب بينه وبين واحدة هو بيحس ساعتها أنه بيعيشها بجد أنا من أول فيلم "أسرار البنات" كان في قصة حب لمراهقين، طول ما أنا شغال أنا بحب البنت دي".

نرشح لك: أحلام تحتفل بعيد ميلادها مع زوجها مبارك الهاجري في أجواء رومانسية

شريف رمزي قي برنامج أسرار النجوم

وأضاف شريف رمزي: "أنا حبيت كل البطلات اللي اشتغلت معاهم، أي بطلة أنا اشتغلت معاها وحبيتها في العمل أنا حبيتها يمكن في الحقيقة أو حسيت أثناء وإحنا شغالين إني حبيتها بجد بعد شوية الموضوع بيخلص".

شريف رمزي قي برنامج أسرار النجوم

وعن أكثر قصة حب في عمل قدمها وكان معجبا بها قال شريف رمزي: "أكتر قصة حب قدمتها وكانت مختلفة وحبيتها كان فيلم "أسرار البنات" كانت نقية جدا ولد وبنت بيحبوا بعض والمجتمع والظروف والسن والأهل بتبعدهم عن بعض".

وكشف شريف رمزي عن رأيه في الحب في سن صغير وقال: "في مجتمعنا عادة نستعيب الحب في أعمار معينة، أنا أولادي لو جم قالولي أنهم بيحبوا هبقى طاير من الفرحة مش هحس أن بدري عليك هبقى حابب أنهم يحسوا الأحاسيس دي وهما صغيرين دي حاجة صحية، عمري ما هقول المذاكرة أهم الحب بأهمية المذاكرة والأكل والشرب والرياضة حاجة طبيعية لازم يعيشها حاجة حلوة المفروض يحسها من سن صغير".