شرط مفيدة شيحة للزواج

نهال ناصر | فى حياة المشاهير

مفيدة شيحة

الجمعة , 31 يناير 2025 - 17:22 | اخر تحديث: الجمعة , 31 يناير 2025 - 17:22

تحدثت الإعلامية مفيدة شيحة عن فكرة أهمية وجود الرجل في حياتها وإن كانت تفكر في الزواج مجددا والشرط الذي تضعه.

وقالت خلال لقائها في برنامج "صبايا الخير" ردا على سؤال ريهام سعيد حول ماذا يمثل الرجل في حياة مفيدة شيحة؟ لتجيب: "الرجل شيء حلو وظريف طالما يتعامل معايا إني أنا شخص زي زيه عندي الاحترام والحق في اتخاذ القرار، وزي ما هو بيدي لنفسه الحق أن يكون عنده أصحابه يكون ليا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

مفيدة شيحة

وعن فكرة استغنائها عن الرجل في حياتها قالت مفيدة شيحة: "أه عمره ما كان مشكلة، مش من أولوياتي، ممكن الناس تعتبرني مغرورة أو ست قوية، أنا بيسعدني نجاحي مش أي حاجة تانية، بقى عندي إشباع من نجاحي من إني لما أشوف الفنجان دا اقدر اشتريه محدش يشتريهولي أبقى معتمدة على نفسي وأجيب اللي نفسي فيه واللي بنتي نفسها فيه".

نرشح لك: محمد رمضان: مابغنيش في الأفراح حتى لو هاخد مليار دولار

مفيدة شيحة

وعن فكرة زواجها مرة أخرى قالت مفيدة شيحة: "لو جواز يبقى جواز عن حب لأن أنا مش محتاجة ماديا، لو النصيب جيه معنديش مشكلة أتجوز في أي سن، بنتي بتشجعني وأهلي وكل الناس أصل أنا مش بعمل حاجة غلط، لكن أنا بفكر في كده ولا لأ؟ لأ، أنا عايزة إيه؟ أنا عايزة أنجح أكتر".

مفيدة شيحة

وأكملت مفيدة شيحة: "المشكلة اللي اكتشفتها أن ناس كتير بتبص لنا على أن إحنا "ند" مبقيناش ستات عادية لناس كتير من اللي بيتفرجوا علينا، فكرة أنك لو قارنتي نفسك بالشخص اللي جنبك هتلاقي أنك كإنسان عملتي نوع من النجاح مش كتير عارفين يحققوه، ودا عشان أنتي بتفكري وتخططي وتتعبي وتعملي لنفسك مستقبل ودي مش حاجة سهلة، عشان كده كل شخص بيقابلنا بنكون "ند" أنا مش ست هتفرح بالصالون الجديد ولا عربية جديدة".