محمد رمضان عن أزيائه الغريبة وتفاخره بسياراته: فترة وخلصت

مي جودة | فى حياة المشاهير

محمد رمضان

الخميس , 30 يناير 2025 - 18:01

تحدث النجم محمد رمضان عن سر جملته الشهيرة "ثقة في الله نجاح"، التي بقولها طوال الوقت في لقاءاته وعبر مواقع التواصل الاجتماعي.

قال محمد رمضان: "أبويا وأمي ناس بسيطة جدا، بس إدوني اللي أنا أتمنى أدي لأولادي ربعه، القناعة، الإحساس بالغير، أنا عمري ما طلبت من أبويا شيء مش في استطاعته يجيبه ... واتعملت منهم "ثقة في الله نجاح"، كنت لها ليه هيسيبوا كذا وياخدوني كانت تقول لي خليك واثق في ربنا، انت معك أقوى واحد اللي خلق الدنيا وخلقك وبايده كل حاجة، فزرعوا جوايا الكلمة اللي بقت في لساني".

محمد رمضان

وأجاب محمد رمضان على سؤال رائدة الأعمال دينا غبور، حول أزياؤه الغريبة وتفاخره بسياراته، قائلا: "لبست ملابس غريبة، وقت ما كنت بستهدف الجمهور الإفريقي، والاستايلست بتاعي من 2019 نيجيري، أنا كنت عايز البس زيهم، كنت عايز اشدهم ليا ومايحسوش بغربة، ليه معملتش دا وقت (ابن حلال) مثلا؟ كان معايا فلوس، أنا أعلى أجر من سنة 2016 في الدراما".

وتابع: أكيد طبعا هنهدى، أنا كنت في فترة وخلصت وهبقى شخص عبيط لو هلبسه تاني، البسه لمزاجي مرة بس مش هعيش بيه تاني، أنا كان كل طموحي أثبت نفسي فنيا، ولله العظيم ولا عمري في حياتي فكرت في الفن لأنه هيجيب لي فلوس كتير، ماديا أنا راضي ومبسوط بوضعي جدا، وعندي شغف إني أثبت نفسي فنيا، وأوصل دا للجمهور، وكانت سعادتي لما وصلت للجمهور ووصل لهم حبي واترجم بمتابعة واهتمام بيا".

محمد رمضان

استكمل محمد رمضان: كان الضريبة اللي دفعتها إن مصر ما بتحبش دا، ودا الهزة اللي حصلت لي، أنا كنت بعمل دا عشان أوصل لباقي قارتي، وبس الجمهور المصري زعل، وكان ادامي اعمل ايه؟ اكمل الكورس ولا أرجع، وقررت إني اكمل واستحمل، بس أسرع، اللي كان هيخلص في 5 سنين بقيت بنزلهم بسرعة في سنتين.

وعن الثراء، قال محمد رمضان: الفلوس بتجيب سعادة أكتر بكتير، فكرة إن في حد ممكن تلحقه، ممكن المس نجوم السما وإن شخص في موقف صعب أنا اقدر الحقه واسنده، كان عليه دين وهيتسجن، فاديته الفلوس دي فانا في قمة السعادة، الفلوس اسمها مادة، والفلوس دليل نجاح، وأنا مؤمن أن اي شيء مش بيتحول لمادة ماتعملوش.

يذكر أن محمد رمضان يشارك في مهرجان كوتشيلا، للموسيقى والفنون والذي يقام في نادي إمباير بولو بمدينة إنديو بولاية كاليفورنيا، وذلك على مدى عطلتين في نهاية الأسبوع، الأولى من 11 إلى 13 أبريل، والثانية من 18 إلى 20 أبريل 2025.

يذكر أن محمد رمضان ينشغل في تصوير أحدث أفلامه "أسد".

محمد رمضان

وينتمي فيلم "أسد" لنوعية الأعمال التاريخية، حيث تدور أحداثه في عام 1280، إبان عصر المماليك، حين قاد العبيد ثورة ضد الجيش العباسي.

الفيلم من إخراج محمد دياب، وتأليف خالد دياب وشيرين دياب ومحمد دياب، ويشارك في بطولته إلى جانب محمد رمضان، ماجد الكدواني، رزان جمال، وكامل الباشا، وأحمد خالد صالح، وأحمد عبد الحميد.

اقرأ أيضا:

#شرطة_الموضة: هنا الزاهد بفستان قصير أنيق في "معكم منى الشاذلي" ... سعره 15 ألف جنيه

خالد سرحان يرد على محمد رمضان باستخدام الذكاء الاصطناعي ... والأخير يعلق "كان هيديه على عينه"

سلمى أبو ضيف تضع مولودتها الأولى ... اختارت لها هذا الاسم

الحكم بحبس منى فاروق 3 سنوات للتعدي على مبادئ وقيم الأسرة المصرية

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5