محمود سعد يكشف تفاصيل الأيام الأخيرة في حياة نبيل الحلفاوي: مصاب بالسرطان ورسم خريطة لمدفنه

نهال ناصر | فى حياة المشاهير

محمود سعد ونبيل الحلفاوي

الثلاثاء , 17 ديسمبر 2024 - 10:24 | اخر تحديث: الثلاثاء , 17 ديسمبر 2024 - 12:09

كشف الإعلامي محمود سعد تفاصيل الأيام الأخيرة في حياة الفنان الراحل نبيل الحلفاوي والمرض الذي عانى منه.

وحكى محمود سعد في فيديو عبر قناته على YouTube: "اللي حصل زوجة الفنان نبيل الحلفاوي قالتلي من 20 يوم أنه حالته وحشة جدا، كلمته قالي "أنا تعبان شوية" وكان آخر مرة شفته في أبريل في وداع صلاح السعدني، لقيته خاسس أوي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

محمود سعد ونبيل الحلفاوي

وتابع محمود سعد: "في الأيام الأخيرة في المستشفى كنت بتكلم مع وليد الحلفاوي ابنه، قالي أنا عايز أقولك على حاجة "بابا قالنا كلام مهم عن علاقتكم ببعض وقالنا خلوا بالكم من محمود لما يحصلي حاجة هو اللي هيعملكم كل حاجة لما تحتاجوا حاجة خليكم معاه"، لأنه في يوم من الأيام وإحنا راجعين من دفن الكاتب أسامة أنور عكاشة قالي أنا عندي مشكلة أن التربة بتاعتنا في مكان ضيق هنعمل إيه، وقالي إنه عامل خريطة للمدفن للطريق ليه".

نشرح لك: حصاد 2024 - حسن يوسف وصلاح السعدني ومصطفى فهمي من بينهم ... مشاهير رحلوا عن عالمنا في الأشهر الماضية

نبيل الحلفاوي

وأكمل محمود سعد: "لما روحنا المقابر وكنا بليل توهنا وبقيت أضرب كف على كف، مع أني كنت كلمت وليد الحلفاوي وقلت له على الخريطة، لكن توهنا زي ما نبيل الحلفاوي كان قايل".

وعن آخر الأيام في حياة نبيل الحلفاوي وإصابته بالسرطان قال محمود سعد: "مكنش في غيبوبة كان نايم مش عايز ياكل ولا يتكلم، كان أخوه غير الشقيق دكتور مجدي الصيرفي يسأله: حاسس بينا يرمش بعينه، وبعدها بيومين توفى بمنتهى الهدوء زي ما كان عايز، وعرفت أنه كان مريض بالمرض الخطير من الدرجة الرابعة بس مكناش نتصور أنه هيتوفى بهذه السرعة".

نبيل الحلفاوي

ورحل الفنان نبيل الحلفاوي عن عالمنا الأحد 15 ديسمبر، عن عمر ناهز 77 عاما.

ويقام عزاء نبيل الحلفاوي مساء اليوم، الثلاثاء 17 ديسمبر، في مسجد الشرطة بالشيخ زايد بعد صلاة المغرب.

اقرأ أيضا:

حصاد 2024 - ياسمين عبد العزيز والعوضي ونيللي كريم وهشام عاشور وشيري عادل وطارق صبري من بينهم ... أشهر حالات انفصال النجوم في عام

حصاد 2024- جميلة عوض وياسمين رئيس ومريم الخشت وحسني شتا من بينهم … 22 نجما يدخلون القفص الذهبي

سمية الخشاب: الجواز مبقاش بالشهادة الحساب البنكي هو الأساس

لينا الطهطاوي تكشف عن حملها في طفلها الأول

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5