هند عاكف عن رفض حسين فهمي التقاط صورة معها: الناس متعرفش هو قالي إيه

نهال ناصر | فى حياة المشاهير

هند عاكف وحسين فهمي

الثلاثاء , 26 نوفمبر 2024 - 12:19 | اخر تحديث: الثلاثاء , 26 نوفمبر 2024 - 12:19

كشف الفنانة هند عاكف كواليس الفيديو المنتشر لها وهي تحاول التقاط صورة مع الفنان حسين فهمي في ختام مهرجان القاهرة السينمائي.

وحكت هند عاكف خلال لقائها في برنامج "فضفضة" من تقديم محمد الغيطي عبر قناة "الشمس": "أولا الأستاذ حسين فهمي أنا بعشقة ولما اشتغلت معاه قلت له كده إني كان نفسي اشتغل معاه، وأنا بحبه جدا جدا وكان فتى أحلامي ولما بشوفه بحب أقف مش أطارده أنا لو طولت أقعد تحت بيته أشوفه وهو طالع ونازل هعمل كده، أنا هنا كنت سلمت عليه أول ما دخلت وباركت له وسلم عليا وقالي ميرسي وقولت أنا عايزة أصور فيديو أنزله على السوشيال ميديا كذكرى وأقوله ألف مبروك نجاح المهرجان واشكره على مجهوده وفضلت متابعاه لغاية لما يبقى لوحدة مش هروح أصور وهو معاه ناس وجيت أقوله أصور قالي مش وقته يا هند لأنه رايح يستقبل ضيوف المهرجان على الريد كاربت ولازم أنا احترم دا، فقلت طيب، الناس متعرفش هو قالي إيه".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

هند عاكف وحسين فهمي

وتابعت هند عاكف: "مين بقى اللي بيراقبني وبيصورني ودا الغلط مش من حق أي حد أنه يقتحم دي خصوصيات مينفعش أبقى ماشيه وحد ماشي بالكاميرا ورايا لو أعرف كده كنت أخدت الموبايل، ليه بيعملوا مشاكل وعايزين يبوظوا علاقتي بأساتذتي أنا أقعد استنى عادي حسين فهمي".

هند عاكف

وأكملت هند عاكف: "الناس اللي بتتكلم أستاذ حسين فهمي عايزة اشكره لأنه هو اللي دعاني على المهرجان السنة دي في الافتتاح والختام وهو أستاذي الكبير وفي علاقة زمالة وأنا بحبه مينفعش حد يقول كده عيله وهو بيتصور مع كل الناس".

وكان انتشر عبر مواقع التواصل الاجتماعي فيديو ظهرت فيه هند عاكف تسير وراء الفنان حسين فهمي ويبدو أنها تريد التقاط صورة معه وفي النهاية يرفض الأمر مما أثار جدلا.