أحمد عز
روى النجم أحمد عز قصة كوميدية خلال تكريمه بجائزة فاتن حمامة للتميز في حفل افتتاح الدورة الـ45 من مهرجان القاهرة السينمائي الدولي.
قال أحمد عز: "من حوالي ٢٤ سنة خيروني بين أكمل في شغلي وبين بطولة أول فيلم سينمائي، واخترت دخول مجال التمثيل بدون رغبة أهلي، وانا بصور كان مهرجان القاهرة هيشتغل، وكان نفسي احضر المهرجان، وكان نفسي الدعوة تيجي على البيت مكتوب عليها (الفنان أحمد عز) مش لسبب غير إني أقول لأبويا وأمي إني اخترت صح، المهم الدعوة مجتش، فضلت مستني أسبوع، لحد ما جيه يوم المهرجات الصبح، ومافيش دعوة، خدت عربيتي وطلعت على إدارة المهرجان، إزاي الدعوة ماتجيليش، المهم هما كانوا في غاية الكرم معايا، وادوني الدعوة ورجعت البيت".
افتتاح مهرجان القاهرة السينمائي 45
افتتاح مهرجان القاهرة السينمائي 45وأضاف أحمد عز: خدت دش، وحلقت ولبست وكنت عايز أبقى أبيض واحد على الريد كاربت من النضافة، على أساس أن أنا هتصور، وأبويا وأمي اللي قاعدين في البيت هيشوفوني ويبقوا فخورين بيا، دخلت على الريد كاربت، وحطيت إيدي في جيبي وعملت وشي إن أنا مثقل بالفن جدا، عديت على أول كاميرا محدش عرفني، التانية كذلك، نايل سينما ونايل دراما والأسرة والطفل، مافيش خالص، قولت مش مشكلة، كان نفسي ابقى قاعد في النص هنا، عشان الكاميرا تيجي علي فيشوفوني ويبقوا فخورين بيا، جاي ادخل من الباب، وقفني رجل الأمن وقال لي حضرتك قاعد فوق.
وداعبته إحدى الجالسات في المنطقة المقصودة، ليرد عليها: "هي البداية بتبقى كدة ماتقلقيش"، واستكمل: روحت البيت وأنا متضايق جدا جدا، ودخلت علي أمي ودعت لي (ربنا ينولك مرادك)، وتلف الأيام وأجي أقف على خشبة دار الأوبرا العريقة، واتكرم وأخد جائزة اسم صاحبة الجايزة لوحده جايزة، ومن وزير الثقافة ونجم النجوم اللي مجاش زيه الأستاذ حسين فهمي، وللاسف كل دا بييجي وأبويا وأمي مش موجودين، بس أكيد لو كانوا موجودين كانوا هيبقوا فخورين بيا".
افتتاح مهرجان القاهرة السينمائي 45
وتابع أحمد عز: "الأهم بقى الجايزة العظيمة دي، دا مش اجتهاد مني، بالعكس، دا تكريم لكل واحد علمني وليه الفضل عليا واعتبر الجائزة حافز للي جاي، لأني لحد انهاردة أنا حاسس إن أنا معملتش حاجة خالص، أنا لسه بفتكر قعدتي مع المنتج الكبير وائل عبد الله والمخرجة ساندرا نشأت في المكتب، وهم بيفكروا هيعملوا ايه في فيلم (ملاكي اسكندرية) ويقدموني للناس إزاي، فاكر دا كإنه امبارح، وبشكرهم".
افتتاح مهرجان القاهرة السينمائي 45واختتم كلمته قائلا: "اسمحوا لي في النهاية إن الجايزة دي عايز أهديها لشخص، نجم عزيز عليّ وعلينا كلنا وملهم لينا، قال لي في يوم (الالتزام والورق هما أبوك وأمك في الصناعة دي) ودا حقيقي، يارب كل زملائي وأصدقائي يقفوا يتكرموا تكريمات أكبر من دي بكتير، واسمحوا لي في النهاية أهدي الجائزة دي للنجم للزعيم عادل إمام".
طه فراج: الفن لم يعد ينتظر الجمهور .. بل يذهب إليه عبر المنصات الرقمية
براءة جيهان الشماشرجي من تهمة السرقة بالإكراه
الظهور الأول لجيهان الشماشرجي في محاكمتها بتهمة السرقة بالإكراه
اليمنية لمى قيس تفوز بلقب The Voice Kids الرابع
ياسر جلال يوجه الشكر لمجلس الشيوخ لموافقته على تفعيل حق الأداء العلني للممثل بجانب المؤلف
خلال جولة برفقة المهندس أحمد السويدي .. "الدحيح" يتعرّف على نموذج التعليم البوليتكنك بجامعة السويدي (SUTech)
أحمد جاد المولى: العلاقة بين صناعة المحتوى والفن أصبحت أكثر تقاربًا
مايا دياب تحتفل بتخرج ابنتها من المدرسة
إيمان العاصي عن إمكانية زواجها مجددا: دي قصة تخوف الحرية حلوة
أحمد سعد يعتذر لجمهوره: توبت عن أي حاجة غريبة
14 غزرة في رأسها … أندريا طايع تكشف معاناتها مع الإغماء العصبي
توفي في القاهرة أم الرياض … أسرة الفنان السعودي عبد الله القرني تكشف الحقيقة
حقيقة ارتداء انتصار للحجاب
#شرطة_الموضة: رحمة أحمد بفستان One Shoulder من قماش الشيفون الفاخر في أول تعاون مع المصمم أيمن لحموني
مرام علي: نفسي أعمل فيلم مع أحمد حلمي
منة فضالي: حلمي أقدم السيرة الذاتية لسعاد حسني ومديحة كامل
رقص محمد صلاح ولاعبي منتخب مصر على أغنية "أم الدنيا" بعد الفوز على نيوزيلندا في كأس العالم
انتصار بالحجاب في العرض الخاص لـ "صقر وكناريا" ... تعتمد على Method Stylef بارتداء أزياء الشخصية
بالدموع.. نهى صالح تدافع عن شقيقها ضحية حادث الإسكندرية وتكشف حقيقة السرعة الزائدة
نور العزاوي زوجة ويجز تهدد بمقاضاة المسيئين لها