هدى المفتي: لبست فستان عاجبني واتشتمت ولبست فستان مقفول قلت هيعجب الناس واتشتمت

مي جودة | فى حياة المشاهير

هدى المفتي

الأربعاء , 30 أكتوبر 2024 - 20:10 | اخر تحديث: الأربعاء , 30 أكتوبر 2024 - 23:10

كشفت الفنانة هدى المفتي عن تعرضها للتنمر باستمرار بسبب نحافتها الزائدة.

قالت هدى المفتي: "اتشمت كتير على السوشيال ميديا بسبب لبسي واتنمروا عليا كتير بسبب جسمي الرفيع، وقررت ألبس في حدث فني فستان مقفول مش مبين حاجة، واتشمت برضه بسبب جسمي الرفيع، وفهمت إن مفيش حاجة الناس اتفقت عليها وبيختلفوا على كل حاجة"، وذلك حسب تصريحاتها في ندوة أقيمت ضمن فعاليات مهرجان الجونة في دورته السابعة.

النجوم في مهرجان الجونة

وأضافت: المهم إن تعجب نفسك وبحس إن فيه ناس بتكون مستخبية ورا شاشة معينة وبيبقوا قاعدين على الكنبة، وحاسين بالفشل والنقص وينتقدوك.

وتحدثت هدى المفتي عن تعرضها للشائعات باستمرار، قائلة: "ساعات الناس بتألف عليك قصة وبيصدقوها، وأنا واحدة من الناس اتعرضت لده، والناس بتبدأ تشتمك على قرار أنت أخدته والقصة أصلا مش حقيقية والناس كده كده هتنتقد، وأنا لو حد شتمني ورديت الناس هتهاجمني أكتر، فبحس إنه خلاص اللي يتكلم يتكلم".

يذكر أن آخر أعمال هدى المفتي كان مسلسل "مطعم الحبايب" الذي عرض على منصة "شاهد"، بمشاركة أحمد مالك، بيومي فؤاد، انتصار، إسلام إبراهيم، حمزة العيلي، سامي مغاوري، وعدد من الفنانين الذين يشاركون كضيوف شرف، والعمل من تأليف مريم نعوم وورشة سرد، إخراج عصام عبد الحميد، وإنتاج عبد الله أبو الفتوح.

ومسلسل "مطعم الحبايب" من المسلسلات القصيرة ويتكون من 12 حلقة.