مؤلف "عمر أفندي" يرد على جدل "حاجة 13 خالص" ويوجه رسالة لـ علي الطيب: مش عارف اتضايق ليه هي مش ملكية فكرية

نهال ناصر | فى سينما وتلفزيون

مصطفى حمدي وعلي الطيب

الجمعة , 13 سبتمبر 2024 - 14:02 | اخر تحديث: الجمعة , 13 سبتمبر 2024 - 14:02

رد المؤلف مصطفى حمدي، مؤلف مسلسل "عمر أفندي" على الجدل الذي أثير بسبب جملة "حاجة 13 خالص" وإشارة الفنان علي الطيب إنه استخدم هذه الجملة في مسلسل "أهو دا اللي صار" قبل سنوات.

وقال مصطفى حمدي خلال لقائه في برنامج "أسرار النجوم" من تقديم إنجي علي عبر إذاعة "نجوم FM": "علي الطيب هو فعلا طيب على المستوى الشخصي إنسان كويس ومش شرير لكن التبس عليه الأمر، الجمل دي هي اتقالت في أفلام موجودة وكانت بتتقال في الفترة الزمنية ومع الوقت اندثرت".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

مصطفى حمدي مؤلف مسلسل عمر أفندي

وتابع مصطفى حمدي: "اللي حصل هو قالها في عمل وإحنا قلناها في عمل زي كلمات "سعيدة" و"ممنون"، هو علي الطيب اتضايق وأنا مش عارف اتضايق ليه هي مش ملكية فكرية أو خاصة لحد جملة بتتقال في الزمن دا، بعد كده هكتب صباح الخير واستأذن الممثل اللي قال صباح الخير لأنه قالها في مسلسل تاني".

نرشح لك: رقصت مع حكيم وهنادي مهنا وابنها الشاب لفت الأنظار … لقطات من حفل عيد ميلاد بوسي

واختتم كلامه: "أنا عارف إن علي طيب ومكنش يقصد الجدل والمشاكل اللي حصلت ومتزعلش يا علي".

علي الطيب

وكان علي الطيب وجه اعتذارا لصناع مسلسل "عمر أفندي"، وذلك بعد تعبيره في وقت سابق عن استيائه من عدم الإشارة إلى أسبقيته في استخدام جملة "دي حاجة 13" في مسلسل "أهو ده اللي صار"، وهي الجملة التي حققت انتشارا كبيرا بعد استخدامها في مسلسل "عمر أفندي".

مسلسل عمر أفندي

وكتب علي الطيب عبر حسابه في موقع التواصل الاجتماعي فيسبوك: "تم حذف البوست و الأسباب هي أنا ممكن أكون عبرت بشكل يزعل زمايلي من اللي اتكتب بس هما زعلوني بأنهم مذكروش في اي برنامج او اي لقاء انهم اقتبسوها من وديع البساطي في مسلسل أهو ده اللي صار. مصطلح موجود في مصر زمان فعلا مش انا اللي اخترعتها. بس بيبقى كل ممثل بيبذل مجهود من أجل الشخصية تبقى لحم و دم مش كلام على ورق فقط و بيقول كلامه و خلاص. وده كان جزء من مجهودي اللي تم أثناء تحضير الشخصية في المسلسل و بعد ما عرضت بعض المصطلحات على الأستاذ السيناريست عبدالرحيم كمال والأستاذ حاتم علي عليه رحمة الله اخترنا اللي يتناسب مع الشخصية التي تعبر عن شخصيته و اتوظف في الحوار بشكل مناسب و منطقي للمشاهد من الأستاذ عبدالرحيم و اتعرض المسلسل و ربنا كتب لنا القبول في قلوبكم و نجح المسلسل واتشهرت شخصية وديع البساطي بمصطلحاتها اللي تعتبر كانت جديدة على الجمهور رغم أن الجملة ليها أصل و معنى و وضحناه في المسلسل".

لمزيد من تصريحات علي الطيب حول جملة "حاجة 13 خالص"

مسلسل "عمر أفندي" بطولة أحمد حاتم، رانيا يوسف، آية سماحة، مصطفى أبو سريع، محمد رضوان، ميمي جمال، ومحمود حافظ، ميران عبد الوارث، إسماعيل فرغلي، والمسلسل من تأليف مصطفى حمدي، وإخراج عبد الرحمن أبو غزالة.

اقرأ أيضا:

أحمد حاتم وآية سماحة يكشفان موقف أحمد السقا أثناء عرض "عمر أفندي": طلع جدع وابن بلد بجد

تجديد حبس سعد الصغير 15 يومًا في قضية المخدرات

علي الطيب يعتذر لصناع مسلسل "عمر أفندي" ... ما علاقة "دي حاجة 13"؟

محمد سعد وباسم سمرة وزينة من بينهم .. القائمة الكاملة لأبطال فيلم "الدشاش"

لا يفوتك: محمد هشام عبية: مين قال إن "صلة رحم" كان فيه مشهد خارج! .. هل شوه "رسالة الإمام" تاريخ مصر؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5