بشرى عن فارق السن مع زوجها: 11 سنة ليه؟ شايفني ميمي شكيب!

نهال ناصر | فى حياة المشاهير

بشرى وخالد حميدة

الاثنين , 5 أغسطس 2024 - 12:11 | اخر تحديث: الاثنين , 5 أغسطس 2024 - 12:43

كشفت الفنانة بشرى عن رد فعلها على التعليقات التي كتبت عن فارق السن بينها وبين زوجها خالد حميدة.

وحكت بشرى عن أكثر تعليق لفت أنظارها وقالت في لقائها ببرنامج "حد النجوم" مع الإعلامية إيمان الحصري عبر قناة dmc: "شفت تعليق موتني من الضحك قال الفرق 11 سنة بيني وبين عريسي ليه إن شاء الله هما شايفني زوزو شكيب ولا ميمي شكيب، يعني جبتوا الفرق دا منين أصلا لا شكلا باين ولا حتى موضوعا حتى الواقع مش كده تقريبا قد بعض حتى لو في فرق سنة ولا سنتين دا ولا حاجة ما أنا زيجتي اللي فاتت كان في فرق سنة بيني وبين زوجي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

بشرى وزوجها خالد حميدة

وعن فكرة الفارق العمري بين الزوجين قالت بشرى: "مش بيرفق معايا يعني إيه أصلا دي تفاصيل في منتهى السطحية وبتضحكني جدا وأنا واخدة الدنيا بسخرية وبشوف الناس فيلم كرتون كبير فبالنسبالي لا أتوقف عند هذه التعليقات وكل واحد يخليه في حاله وأنا بالنسبة ليا العروسة للعريس والجري للمتاعيس".

نرشح لك: تامر حسني ومحمد هنيدي ودرة من بينهم ... النجوم يقدمون واجب العزاء في رحيل حسام شوقي وتامر فتحي وفتحي إسماعيل ومحمود كمال

جلسة تصوير بشرى وزوجها

View this post on Instagram

A post shared by Eman Elhossary (@eman_elhossary)

كما كشفت بشرى عن رد فعل زوجها بعد انتشار صور زفافهما وحديث الجمهور عنهما وقالت: "هو اتخض وجه يقولي إيه دا كله؟ قلت له عشان تقدر أنا إزاي بتعب إنك تكون في مجال زي ده وتحت الأضواء وتجامل وترحب بكل الناس دا موضوع مش سهل كل شوية يسألني هو دا عادي كده".

وعن التعليقات السلبية التي كتبت لها قالت بشرى: "في تعليقات متوقعة من قبل ما تتكتب بس أنا مش بتأثر فيا الحاجات دي بالنسبة ليا الإنسان عنده اختيار أنه يشوف اللي عايز يشوفه ويبص على الزاوية المضيئة، أنا بطلت أبص على التعليقات، في ناس كلموا أبو الأولاد بس الحمد لله أنا أبو ولادي راجل محترم جدا وإنسان عاقل ورزين والحمد لله هو أول واحد بيكبسهم وببعت له كل التحية والشكر".

حفل زفاف بشرى وخالد محمود حميدة

واحتفلت بشرى بزواجها في 31 يوليو الماضي، وأقامت حفلا في الساحل الشمالي وحضره عدد كبير من النجوم.

اقرأ أيضا:

رفض التعاون مع السبكي و "ساعة ونص" غير رأيه ووحزن من عدم تنفيذ وصية خالد صالح .. ما لا تعرفه عن الراحل طارق عبد العزيز في أول عيد ميلاد له بعد موته

مي عمر ومحمد سامي وعلي ربيع ومدحت صالح في عزاء حسام شوقي وتامر فتحي وفتحي إسماعيل ومحمود كمال

شيرين عبد الوهاب في تسجيل صوتي لجمهورها: "وحشتوني" (فيديو)

كمال أبو رية: ضربت غادة عبد الرازق بالقلم في "سوق العصر" وكان حقيقي

لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5