اعرفه من أيام المدرسة ... بشرى تكشف كيف تعرفت على زوجها الجديد وبدايات قصة الحب

نهال ناصر | فى حياة المشاهير

بشرى وزوجها

الاثنين , 5 أغسطس 2024 - 10:55 | اخر تحديث: الاثنين , 5 أغسطس 2024 - 10:55

في أول ظهور لها بعد زواجها، تحدثت الفنانة بشرى عن زوجها خالد حميدة وكشفت كيف تعرفت عليه ودبأت قصة حبهما.

وقالت بشرى خلال لقائها في برنامج "حد النجوم" مع الإعلامية إيمان الحصري عبر قناة dmc: "إحنا كنا زملاء في مدرسة واحدة، نعرف بعض من أيام المدرسة وأخوه كان مع أختي في الفصل وصديقها جدا زي أخوها، كل الناس اللي كانوا معانا في المدرسة كانوا عارفين هذه المعلومة وكان كتير منهم معزومين في الفرح، هو شخص أنا أعرفه من زمان جدا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وعن علاقته بالفنان محمود حميدة قالت: "الفنان الكبير محمود حميدة هو اللي مربيه لأن والده توفى لما هو اتولد، وحتى وإحنا في المدرسة اللي كان بيجي اجتماع أولياء الأمور على طول أستاذ محمود حميدة مع والدته السيدة مها".

نرشح لك: تامر حسني ومحمد هنيدي ودرة من بينهم ... النجوم يقدمون واجب العزاء في رحيل حسام شوقي وتامر فتحي وفتحي إسماعيل ومحمود كمال

بشرى وخالد حميدة وليلى علوي

وأكملت متحدثة عن زوجها: "هو شخص ساب مصر لفترة طويلة، ولما ظهر من سنة ابتدينا نرجع نتكلم من واشتغلنا سوا والشغل جاب احتكاك وتعارف أكتر، وأنا مش باخد وقت كبير في قرار الجواز لأني معنديش رفاهية أفضل أعرف حد ويتحسب عليا، أنا عارفة المجتمع اللي أنا عايشه فيه وأنا أم وعندي أولاد وست مشهورة ولازم أراعي الجزء دا، لما أعرف حد ويكون في ارتباط بفضل نمشي بشكل رسمي عشان أريح بالي من الصداع واحتراما لأمومتي وجمهوري".

وأضافت: "خالد شخصية مستقلة جدا عايش برا مصر، بيفكر بطريقة خارج الصندوق المعتاد هنا وشبه فكري، شبه فكري لأن أنا على قد ما أنا شرقية وبحترم المجتمع اللي أنا فيه لكن عندي أفكار غربية كتير عشان نشأتي زيه هو مواليد بريطانا زي حالاتي، هو عملي وأنا ست عملية، هو شخص بيكره المدينة وبيحب يبعد عنها ويروح أماكن فيها طبيعة وإحنا شبه بعض في كدا، مجتهد وبتاع شغل وأنا كده".

واحتفلت بشرى بزواجها في 31 يوليو الماضي، وأقامت حفلا في الساحل الشمالي وحضره عدد كبير من النجوم.

اقرأ أيضا:

رفض التعاون مع السبكي و "ساعة ونص" غير رأيه ووحزن من عدم تنفيذ وصية خالد صالح .. ما لا تعرفه عن الراحل طارق عبد العزيز في أول عيد ميلاد له بعد موته

مي عمر ومحمد سامي وعلي ربيع ومدحت صالح في عزاء حسام شوقي وتامر فتحي وفتحي إسماعيل ومحمود كمال

شيرين عبد الوهاب في تسجيل صوتي لجمهورها: "وحشتوني" (فيديو)

كمال أبو رية: ضربت غادة عبد الرازق بالقلم في "سوق العصر" وكان حقيقي

لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5