محمد علي رزق يدافع عن تامر ضيائي: بقاله 17 سنة بيراعي زوجته واللي حصل معاه شيء مهين

نهال ناصر | فى حياة المشاهير

محمد علي رزق وتامر ضيائي

الجمعة , 19 يوليو 2024 - 14:52 | اخر تحديث: الجمعة , 19 يوليو 2024 - 14:52

دافع الفنان محمد علي رزق عن الفنان الراحل تامر ضيائي بعد انتشار فيديو للمشاجرة بين الراحل وفرد الأمن في أحد المستشفيات، ونتج عنها وفاته.

ونشر محمد علي رزق صورة لتامر ضيائي عبر حسابه على Instagram وكتب: "شهادة لوجه الله… أنا أعرف تامر ضيائي من 2004 من أيام فرقة عين الشمس… و دخلنا مركز الإبداع سوى في 2006 وفضلنا صحاب لغاية ماربنا استرد أمانته، تامر ضيائي طول عمره إنسان محترم وعلى مدار 20 سنة عمري ماشوفت تامر متعصب أو شخص متجاوز… اللي حصل مع تامر يوم وفاته شئ مهين خلاه ينفجر".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

محمد علي رزق يدافع عن تامر ضيائي

وتابع محمد علي رزق: "تامر بقاله 17 سنة بيراعي زوجته في مرضها عمرنا ماسمعنا عنه إنه عمل مشكلة وكان صابر و راضي بقضاء ربنا، تامر لم يتجاوز الدور زي ماقالوا بشهادة سوزان زوجته إنهم كانوا واخدين رقم 421 و لما جيه الرقم اللي قبلهم بدأوا يقربوا من الباب ولما وصل كان رقمه جيه الأمن منعه وقاله فيه ناس هتدخل الأول فتامر رفض إن حد يتجاوز دوره و من هنا بدأت المشكلة".

نرشح لك: إليسا تخلع حذائها على المسرح … وجهت رسالة للجمهور (فيديو)

وأكمل محمد علي رزق: "تامر انفجر علشان مراته التعبانة اللي قاعدة مستنية دورها عشان تاخد الجلسة فيلاقي الأمن بياخد فلوس علشان يدخل ناس قبل دورها، تامر ما عملش حاجة غير إنه اتمسك بحقه ولما لاقى الراجل بيتعامل معاه بشكل مهين انفجر، حسبي الله ونعم الوكيل، ربنا يرحمك يا تامر و يجعلك من أهل الجنة".

طالع أيضا - عمل مبرمجًا وكتب وصيته قبل وفاته بشهرين .. ما لا تعرفه عن الفنان الراحل تامر ضيائي

محمد علي رزق يدافع عن تامر ضيائي

وتوفي الفنان تامر ضيائي الأربعاء 17 يوليو الجاري، إثر شجار مع فرد أمن بأحد المستشفيات التابعة لمعهد الأورام، حيث كانت زوجته تتلقى جلسة كيماوي.

تامر ضيائي

وفوجيء متابعو تامر ضيائي عبر موقع Facebook أنه كتب وصيته في مايو الماضي، وجاء بها: "بوست وصية.. هيفضل باين على صفحتي لحد ما أموت.. الحقيقة اللي كلنا عارفينها ومتأكدين منها إننا كلنا ربنا كاتب لنا إننا نموت في ميعاد محدد غير معروف، وعشان كده كتبت الكلام ده لأني محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة ووقتها طبعاً مش هعرف أقولها لحد. ودي وصيتي". (التفاصيل)

اقرأ أيضا:

مي كساب: كنت مرعوبة من باسم سمرة واكتشفت أنه طيب

نهى العمروسي: الحجاب أجندة عشان أضيع هويتي مش فرض ... أنا مِسَلِمَة مش مُسلمة وما بحبش التقسيم

مي كساب تتحدث عن خلافاتها في كواليس "العتاولة": بطنش لأني جاية أشتغل

عمرو أديب يدافع عن أحمد حلمي وفيلم "النونو": في لجان معروفة عايزة تولع الدنيا (فيديو)

لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5