عمرو أديب يدافع عن أحمد حلمي وفيلم "النونو": في لجان معروفة عايزة تولع الدنيا (فيديو)

محمد سليم | فى سينما وتلفزيون

عمرو أديب وأحمد حلمي

الخميس , 18 يوليو 2024 - 21:59 | اخر تحديث: الخميس , 18 يوليو 2024 - 21:59

دافع الإعلامي عمرو أديب عن النجم أحمد حلمي، بعد الانتقادات التي وجهت له مؤخرا بسبب طبيعة الدور الذي يلعبه في فيلم جديد يحمل اسم "النونو".

وقال عمرو أديب في فيديو عبر حسابه في موقع "إكس": "في لجان مخصوصة ومدروسة ومدسوسة شغالة على الموضوع ده، وسمعة مصر وأحمد حلمي وإنه إهانة للشعب المصري، وطبعا إحنا عارفين إن ده مضروب ومدبر وأغلبه متظبط، وطبعا في ناس ولاد حلال عايزين يقفوا جنب البلد وينقذوا البلد ويدافعوا عن كرامتها".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أحمد حلمي

وأضاف: "أنا عايز أسأل سؤال، هو أحمد حلمي ده مش ابنكم وأخوكم وصاحبكم؟ هو أحمد حلمي إتولد من الحيطة؟ أحمد حلمي موجود من زمان يا جماعة وعمل مليون فيلم، فجأة تقرر إن أحمد حلمي باع بلده ودينه وحياته علشان شوية ريالات!"

أحمد حلمي

وتابع: "أحمد حلمي لما عمل عسل إسود وقتها كان أحمد حلمي برضه، وطبعا في ناس عايزة تولع الدنيا وتخليها تعبانة وفيها توتر مهما الدنيا هديت وبقت لطيفة".

طالع أيضا - حمزة العيلي ومحمد علي رزق ولقاء سويدان وضياء عبد الخالق من بينهم ... الفنانون يشيعون جثمان تامر ضيائي لمثواه الأخير

أحمد حلمي

وأشار عمرو أديب إلى أن دور النصاب الذي أثار الجدل حول الفيلم ليس جديدا على السينما المصرية قائلا: "دور النصاب في الفن المصري والسينما المصرية موجود من زمان، ولن أذيع سرا في داخل الفيلم نصاب سعودي، وكل الشعوب في الدنيا عندها نصابين وناس كويسة وناس وحشة، وإنت طالع تهاجم قبل ما تشوف الفيلم وتعرف الحكاية".

وأكمل: "ولاد رزق الجزء الأول والثاني كانوا نصابين، والفن فيه كل حاجة ومش دوره بس يوري الإنسان الكويس الطيب، الفن دوره كمان يبين المشاكل والمصايب، أرجوكم اهدوا واحكموا على العمل بعد ما تشوفوه".

وكان المستشار تركي آل الشيخ، رئيس الهيئة العامة السعودية للترفيه، أعلن مؤخرا عن تحضيره لفيلم من بطولة أحمد حلمي يحمل اسم "النونو".

تركي آل الشيخ و أحمد حلمي

كشف تركي آل الشيخ تفاصيل الفيلم في فيديو نشره عبر منصة X/تويتر، وقال: "عندنا مفاجأة مهمة مع الأسطورة أحمد حلمي. في واحد من الأفلام اللي هيدخل فيها في نهاية 2024 وبداية 2025، فيلم نصاب كبير هييجي المملكة وهيعمل عمليتين نصب كبيرة، الأولى في بطولة Gaming والثانية لناس في العمرة والحج".

فى الرد على الناس اللى غاويه تعوم فى الميه العكره ، ودفاع واجب عن فنان محترم اسمه احمد حلمى pic.twitter.com/msAykL8zO9

— Amr Adib (@Amradib) July 18, 2024

ويضيف أحمد حلمي في الفيديو: "فيلم كوميدي إن شاء الله اسمه النونو".

اقرأ أيضا:

إخلاء سبيل المتهم في واقعة وفاة تامر ضيائي من النيابة

محمد هنيدي يتحدث عن الفروق بين سكان الكمباوند والمناطق الشعبية

وفاة المنتج أشرف صقر عن عمر يناهز 52 عاما

النادي الأهلي يعلن وقف البث المباشر لقناته الفضائية

لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5