ميار الببلاوي: أنا قاعدة في وسط المقابر مبقتش عايزة أرجع البيت

نهال ناصر | فى حياة المشاهير

ميار الببلاوي

الأحد , 14 يوليو 2024 - 14:25 | اخر تحديث: الأحد , 14 يوليو 2024 - 14:25

تحدثت الفنانة ميار الببلاوي عن أزمتها الأخيرة بسبب تصريحاتها عن طلاقها من زوجها وعودتها له مجددا، وكيف أثرت عليها والآن أصبحت لا تحب البقاء في المنزل وتفضل التواجد في المقابر لزيارة والدتها.

وقالت ميار الببلاوي خلال لقائها في برنامج "قعدة ستات" من تقديم مروة صبري: "لما تعرضت لأزمتي الأخيرة رحت المقابر أزور أمي، وقلت لها هو أنا مين هيطبطب عليا أنا مش لاقيه حد يطبطب عليا لو سمحتي تعالي طبطبي عليا، تعالي قوليلي إني عمري ما عملت حاجة حرام في حياتي حتى من زمان من قبل ما التزم وأنا بخاف، أنا بخاف من ربنا خوف مرضي، أنا قاعدة في وسط المقابر كتير من ساعة ما الموضوع دا حصل مبقتش عايزة أرجع البيت".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

ميار الببلاوي

وتابعت ميار الببلاوي: "والدتي توفت من سنتين، روحي راحت مني، بنت عمي دايما بتقولي "مرات عمي ماتت وإنتي ادفنتي"، أنا كنت دايما بحب الناس، لا بقيت أخرج ولا بكلم الناس أنا بعمل شغلي عشان دا أكل عيشي أنا كنت بحب أسافر بقيت عايزة أروح بس أعملها عمرة، قعادي في المقابر بقى أكتر من قعادي في البيت".

نرشح لك: محمد فؤاد يحتفل بخطوبة ابنته … بكاء ورقص وغناء وأول ظهور بعد نفي شائعات مرضه

ميار الببلاوي

وأضافت: "حياتي بقت هناك تقريبا كل يوم وبقولها كل حاجة عن ابني وعن إيه حصل زي ما كنت بكلمها بالظبط وحتى الشيخ قالي كده كتير ومش كويس أنا دارسه وعارفة أن غلط نروح المقار كتير إحنا بنروح للعظة".

ميار الببلاوي

وكانت ميار الببلاوي تصدرت التريند بعد ما قالته خلال حلقتها في برنامج "العرافة" إنها عادت لزوجها الأول بعد 3 زيجات أخريات وطلاق 11 مرة.

وعلق الشيخ محمد أبو بكر على تصريحات ميار الببلاوي أنها تطلقت من زوجها الحالي 11 مرة، وتزوجته أكثر من مرة بعد طلاقها من كل زيجاتها، قائلا: "ماكنتش حابب أتكلم، لكن بعد أن تكلمت الأخت ميار الببلاوي عن أنها اتطلقت من زوجها 11 مرة وكانت بترجع بمكالمة ولجأوا للمحلل، فهي أعادت للذاكرة فيلم عادل إمام اللي كان فيه دا، وبدأ الناس تتكلم، والبعض بدأ يحتال على الشرع ويلجأ لهذه الطريقة، إبراء لذمتي، الإسلام بريء مما قالته ميار الببلاوي شكلا وموضوعا، كلامها لا يمت للدين بصلة، ربنا جعل الطلاق 3 مرات مش 11 مرة، وجعل المرة الثالثة حاسمة وفاصلة".

طالع أيضا: ميار الببلاوي تنهار أثناء الرد على شيخ أزهري: خاض في عرضي وابني مابيكلمنيش... ماذا قال عنها؟

لتظهر ميار الببلاوي في فيديو وهي منهارة بالبكاء وتدافع عن نفسها.