ميار الببلاوي تنهار أثناء الرد على شيخ أزهري: خاض في عرضي وابني مابيكلمنيش... ماذا قال عنها؟

مي جودة | فى حياة المشاهير

ميار الببلاوي

السبت , 27 أبريل 2024 - 03:02 | اخر تحديث: السبت , 27 أبريل 2024 - 03:09

ردت الفنانة المعتزلة ميار الببلاوي على تصريحات الشيخ الأزهري محمد أبو بكر عنها بعد ظهورها في برنامج "العرافة" وتأكيدها أنها عادت لزوجها الأول بعد 3 زيجات أخريات وطلاق 11 مرة.

قالت ميار الببلاوي في فيديو: "النهارده حصل حاجة عمري ما تخيلتها، أول ما خلصت الهواء صاحبتي كان عندها حاجة في قناة معينة وما رضتش أسيبها لوحدها، وقلت هروح معاها وأسلم عليها، وأنا داخلة أنا ورئيسة التحرير بتاعتي لقيت الشيخ الفاضل، وبحتسبه من الشيوخ الأجلاء ولكن سبحان الله يمكن نزغ شيطان أو فتنة أو حديث نفس".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت ميار الببلاوي: ربنا بيقول (يا أيها الذين آمنوا إن جاءكم فاسق بنبأ فتبينوا)، فما بالكم إن اللي قال عني كده شيخ جليل ويخوض في عرضي وشرفي رغم أن كلنا بنحبه وبنسمع كلامه، وأول ما شيخنا الجليل شافني وأنا كنت بحبه جدا وبتابعه وأقول نفسي يكون معايا في حلقة، وسلمت عليه، وقال لي إنتِ جيالي علشان حطيتك على المرجيحة امبارح، فقلت له مش فاهمة، فقال لي أصل امبارح كنت جاي عليكِ جامد، فرديت قلت له (شرف ليا، وأنت عمرك ما هتظلمني ونحسبك على خير)، لقيته بيقول لي (اللي أنتي قلتيه مع بسمة)، لكن ما حدش فكر أنه معمول مونتاج علشان يطلع تريند ونص الكلام مقطوع.

ميار الببلاوي

وأضافت ميار الببلاوي: لما سمعت الفيديو، لقيته بيقول عليا إني باخد كل راجل ليلتين وإني ببوظ شكل الدعاة، حسبي الله ونعم الوكيل فيك زي ما اتكلمت في عرضي وشرفي وشرف ابني، حرام عليك، سبت التمثيل وكل حاجة وبشتغل في برنامجي وبين صلاتي وبيتي وتربية ابني ومش عايشة ومش بخرج من بيتي إلا لو شغلي يعني ادفن نفسي مع أمي!

وأظهرت ميار الببلاوي قسيمة زواجها وطلاقها من كل أزواجها لتؤكد أن الزيجات استمرت لفترات متفاوتة.

واستكملت: المأساة بدأت من حلقة (العرافة) مع بسمة وهبة، وسيبكم من اللي حصل في الحلقة، لكن أي حد بيقول أي حاجة عادي بتعدي لكن ميار لو فتحت بقها الناس كلها تسن عليها السكاكين، ومحدش فكر أن ابني راجل، وابني في وسط الرجالة وصحابوا وشغله شكله هيكون إيه، وابني مش بيكلمني من 22 رمضان، من وقت ما الحلقة طلعت وقافل على نفسه اوضته ومش بيكلمني وانا ما طلعتش غير بابني، كمية المونتاج اللي معمولة في الحلقة فوق ما تتخيلوا، والحلقة اتذاعت وياما حاجات بتنزل وتعدي، ووقتها كنا في رمضان ومعنديش استعداد ابص لحاجة ولا اضيع صلاتي وأنا بخاف من ربنا بشكل مش طبيعي.

ميار الببلاوي

واستطردت ميار في الفيديو: كنت مبلمة في الحلقة مع بسمة وهبة، وكان كل همي أقلب التربيزة وأنا بحترم نفسي، وعارفة بسمة خلوقة وطيبة وصاحبتي من أول ما لبسنا الحجاب مع بعض، لكن مش عارفة هي عاملة سيستم للبرنامج ولا إيه.

ميار الببلاوي

واستكملت ميار الببلاوي وهي باكية: أنا شبعت ظلم ومحدش اتظلم قدي، والمشكلة أني كنت راضية باي حاجة وظلموتني في مليون موضوع وتوصل لحد شرفي وعرضي وشرف ابني وشيخ يقول أني زانية، أنا معايا ماجيستير في الفقة المقارن ودكتوراه وبرامج دينية وبحتسبها تكون عند ربنا وفي ميزان حساناتي وأنا أم رجل وزوجة رجل وست صعيدية حرام عليكيم قطعتوني، وإخواتي مبقوش يكلموني وابني مش بيمكلني وصاحبة القناة زعلانة مني، والدنيا مولعة عليا، بقول يا رب انا معملتش حاجة غلط ولو زي الستات اللي بتمشي في الحرام ماكنش اتجوزت على سنة الله ورسوله، حرام عليكم من عاب ابتلى.

ميار الببلاوي

وتابعت: أعمامي بيصرخوا وبيقولو لي إيه اللي بيتقال عليكي ده، وبعد كده اللي هيتكلم عليا ولا على شرفي ولا جوزاتي مش هكست، أنا مش عاملة بدعة وكل المذيعات اللي زينا متجوزين أكتر من مرة وإحنا حياتنا غير الناس العادية، ومش سهلة، وفي ناس بتقرب علشان منبهرة ولما تقرب الانبهار بيروح، واحنا ولاد ناس وعيلة ومش جايين من الشارع، عمري ما عملت حرام ولا حاجة غلط، آخر مرة هتكلم ومالكوش دعوة بيا

وانهارت ميار بالبكاء وفقدت الوعي.

ماذا قال الشيخ الأزهري عن ميار الببلاوي؟

الشيخ محمد أبو بكر

وكان الشيخ محمد أبو بكر علق على تصريحات ميار الببلاوي أنها تطلقت من زوجها الحالي 11 مرة، وتزوجته أكثر من مرة بعد طلاقها من كل زيجاتها، قائلا: "ماكنتش حابب أتكلم، لكن بعد أن تكلمت الأخت ميار الببلاوي عن أنها اتطلقت من زوجها 11 مرة وكانت بترجع بمكالمة ولجأوا للمحلل، فهي أعادت للذاكرة فيلم عادل إمام اللي كان فيه دا، وبدأ الناس تتكلم، والبعض بدأ يحتال على الشرع ويلجأ لهذه الطريقة، إبراء لذمتي، الإسلام بريء مما قالته ميار الببلاوي شكلا وموضوعا، كلامها لا يمت للدين بصلة، موضحًا: ربنا جعل الطلاق 3 مرات مش 11 مرة، وجعل المرة الثالثة حاسمة وفاصلة".

وأضاف: هل ينفع لما يتطلقوا 3 مرات يرجعوا ويتفقوا مع واحد ويكتبوا على ورق؟ لا يمكن ذلك وهذا احتيال وزنا ولا يصلح، ولو اتجوزت وبيتت النية إنها تزهق الرجل دا علشان يطلقها فلا يصلح، النبي قال: لعن الله المحلل والمحلل له، يعني مطرودين من رحمة ربنا، يعني اللي اتجوزها باتفاق ملعون، واللي قاعد مستنيها ملعون من رحمة الله، وهناك لفظ معروف التيس.

وتابع: الزواج باطل يا ست ميار، والرجوع باطل يا ست ميار، ومعندناش طلاق في الإسلام اسمه 11 مرة، ومعندناش حاجة اسمها تحليل، لكن عندنا زواج شرعي، إن عاش معها بالمعروف وألا يفارقها بالإحسان، ومعندناش حاجة اسمها ترجع بمكالمة تليفون.

اقرأ أيضا:

رسالة شريهان لـ بدرية طلبة بعد عدم حضورها حفل زفاف ابنتها: سامحيني

هالة صدقي تحكي كواليس تغيير نهاية "أرابيسك"

موعد والقناة المجانية الناقلة لمباراة الأهلي ومازيمبي الكونغولي في إياب نصف نهائي دوري أبطال إفريقيا

دينا الشربيني توجه رسالة لـ محمد صلاح: كنت مبسوطة برسالتك

لا يفوتك: قصة مـ. قتل نيازي مصطفى بطريقة سـ.ـا دية التحقيق مع 65 كومبارس وسر ظهور فاروق الفيشاوي في الصورة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5