كزبرة يرد على انتقادات تكريمه بالجامعة البريطانية: ليه في ناس مستكترة عليا الفرحة؟

أحمد حتحوت | فى حياة المشاهير

تكريم كزبرة في الجامعة البريطانية

الأحد , 7 أبريل 2024 - 13:05

علق الفنان كزبرة على الانتقادات الموجهة له لقرار الجامعة البريطانية لتكريمه في منشور مطول.

كانت صورة كزبرة وهو يحصل على تكريمه بالجامعة قد انتشرت في الساعات الماضية ومن أبرز المنشورات الساخرة منها ما قال "لما تشوف الفنان كزبرة بيتكرم من الجامعة البريطانية.. هتفهم ليه بتستلم شهادة التخرج بتاعتك مبرومة".

كتب كزبرة: "البوست ده في ناس كتير عمله شير عليه وزعلانين اني بتكرم ومش حبين اني اتكرم وان في ناس اكتر مني تستحق .. أولا أنا أقل خلق الله وفعلا في ناس اكتر مني بكتير تستحق بس انا مش عايزك تحكم عليا من بعيد او ان انا شخص تريند وجت معايا صدفة".

كزبرة في كوبرا

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضاف كزبرة: "انا راجل اجتهدت وتعبت واتظلمت كتير اوي ومكنتش بيأس وكنت حاطط ربنا طول الوقت قدام عنيا وكنت عارف إن هيجي يوم وربنا هيفرجها وهيعوضني والحمدلله حصل ورضي ربنا عليا كان اكتر مكنت اتوقع".

محمد إمام وكزبرة

وتابع كزبرة: "وفعلا لكل مجتهد نصيب وانا اجتهد في ليه في ناس مستكتره عليا الفرحة وطول الوقت شايفين اني شخص مستهلش اي حاجة عامةً ربنا يسامح اي حد بيقول عليا كلمة مش صح وربنا يدي كل واحد علي قد نيته وان شاء الله الفترة الجاية هتكرم في كل انحاء العالم".

وأنهى كزبرة منشوره بنصيحة: "وبس نصيحة مني لكل بنادم فاضي ومركز مع غيره اتمني تركز مع نفسك وفي شغلك وحب الخير لغيرك وصدقني محدش هياخد رزقك بس انت اجتهد وحب عملك وارضي بالمكتوب".

يذكر أن كزبرة قد كرم الشهر الماضي في الجماعة البريطانية بعد ندوة فريق عمل فيلم "الحريفة" الذي كان أولى تجاربه التمثيلية حيث لعب أحد لاعبي فريق كرة القدم الذي يضم نور النبوي وأحمد غزي وسليم ترك ولكنه يخونهم بتقبله مبلغا ماليا مقابل اللعب بمستوى أضعف.

كزبرة وريما النجار

يضم فيلم "الحريفة" مجموعة من الشباب الموهوبين في التمثيل، بما في ذلك نور النبوي وأحمد غزي وكزبرة ونور إيهاب وخالد الذهبي وعبد الرحمن محمد وسليم الترك وغيرهم، ويتميز بظهور خاص للفنان بيومي فؤاد وشريف الدسوقي، بالإضافة إلى اللاعب السابق أحمد حسام ميدو، الفيلم من تأليف إياد صالح وإخراج رؤوف السيد.

محمد إمام وكزبرة

ويقدم كزبرة حاليا دور سيد سيكا في مسلسل "كوبرا" مع الفنان محمد إمام ومنة فضالي وهشام إسماعيل ومحمد ثروت ومحمود عبد المغني ويعرض على قناة MBC ومنصة شاهد.