لماذا كشفت داليا مصطفى عن إصابتها بالسكري الآن ... تعرف على القصة كاملة

نهال ناصر | فى حياة المشاهير

داليا مصطفى

الاثنين , 4 مارس 2024 - 15:39 | اخر تحديث: الاثنين , 4 مارس 2024 - 15:39

كشفت الفنانة داليا مصطفى إصابتها بمرض السكري، موضحة أنها ترتدي جهاز استشعار يظهر على يديها ولا تخجل من هذا الأمر.

وظهرت داليا مصطفى في فيديو عبر حسابها على Instagram لتتحدث عن الجهاز مؤكدة أنها لا تقوم بإعلان عنه لكن هذا لزيادة التوعية لدى الناس.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وقالت داليا مصطفى في الفيديو: "كنت منزلة صورة أنا وأختي وكنت لابسه فيها الجهاز ده "جهاز استشعار" بتاع السكر، ده جهاز السكر عشان في ناس مكنتش فاهمة ده جهاز إيه بالظبط، بعد ما نزلت الصورة وأنا كنت بتصور عادي، أمهات كتير بعتولي وناس منظمة لمعارض وحاجات للسكر شجعوني جدا وانبسطوا أوي إني لابساه ومش مكسوفة، وأمهات قالولي شكرا طلعتي بشكل عادي بالمنظر ده والجهاز ده خلى أولادنا عندهم ثقة أنهم يلبسوه ومش مكسوفين خالص".

نرشح لك: أمنية جميل برسوم التي تحققت قبل وفاته بأيام

داليا مصطفى وشقيقتها

وتابعت داليا مصطفى: "إحنا يمكن معندناش التوعية دي إن مفيش داعي للتنمر لو في تنمر، أنا شايفه أن الأطفال أو حتى الستات اللي بتبقى مكسوفة تلبس الجهاز ده لو لابسين نص كم، على فكرة مش فارقة مش مهم رأي أي حد فيا أنا مستريحة كده الجهاز ده ريحني جدا، كان سكري قبل كده صعب بيوصل لـ8 ومرضى السكر هيفهموا يعني إيه دي حاجة مش لطيفة، كنت بكره الشكشكة حاجة بتضايقني وكنت سايباها كده وحصل مضاعفات مش لطيفة".

داليا مصطفى تتحدث عن جهاز قياس السكر

View this post on Instagram

A post shared by Dalia Mostafa (@daliamostafaac)

وأكملت داليا مصطفى: "فجأة روحت لدكتور عظيم قالي في جهاز، وقلتله إني سمعت إنه نزل من كام سنة بس مش في مصر قالي لأ موجود وفعلا ركبته هو جهاز أكتر من هايل بيقيس السكر زي رسم بياني، لما بيكون عالي باخد أنسولين، ولما بيكون واطي بيدني تنبيه فأخذ حاجة، أنا مش بعمل إعلان وبالمناسبة أنا مش عارفة إيه ماركة الجهاز ده أصلا بقولكم وبشجع أي واحدة وطفل أو طفلة عندها سكر أن ميهمهش أي حد، كل واحد مشغول بحاله متفكروش في حاجة وفكروا في نفسكم وبس وربنا يشفينا كلنا".

داليا مصطفى

View this post on Instagram

A post shared by Dalia Mostafa (@daliamostafaac)

يذكر أن آخر أعمال داليا مصطفى كان مسلسل "علاقة مشروعة" وعرض في رمضان 2023.

مسلسل "علاقة مشروعة" بطولة ياسر جلال ومى عمر وداليا مصطفى ومراد مكرم، بسنت شوقى، عفاف مصطفى، ياسمين رحمي، وردشان مجدى، وعدد آخر من الفنانين، والعمل من تأليف سماح الحريرى وإخراج خالد مرعى، وإنتاج مشترك بين شركتى "Forever Drama - مها سليم" و"media Hub – سعدى جوهر".

اقرأ أيضا:

ملخص تصريحات سهام جلال في "تفاصيل" ... سبب لجوئها لتيك توك وطلبها المساعدة من أحمد السقا وأمير كرارة ورأيها في نيللي كريم وياسمين صبري

محمد فؤاد وإيهاب توفيق يقدمان واجب العزاء لأسرة حلمي بكر

من الأرشيف - عبد الوهاب في لقاء إذاعي أجراه عبد الحليم حافظ: "الرسول" هو الشخصية التاريخية التي أتمنى أن أجلس إليها

بكاء ماجي بو غصن بعد سماعها تتر مسلسل "ع أمل" بصوت إليسا (فيديو)

طالع أيضا: ريم رؤوف: أحمد مختار خالي ... وأحمد كمال كان صديقه وكان بيقعدني على حجره ويلعب بيا مع عبلة كامل

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5