هاني شنودة: عايز أشكر عمرو دياب وفرقة "المصريين" كان الطعم اللي جذبني لمسلسل "حالة خاصة"

نادين يوسف | فى حياة المشاهير

هاني شنودة وإنجي علي

الخميس , 18 يناير 2024 - 11:13 | اخر تحديث: الخميس , 18 يناير 2024 - 12:25

استضافت الإعلامية إنجي على الموسيقار هاني شنودة في برنامجها "أسرار النجوم" المذاع على نجوم أف أم وتحدث هاني شنودة خلال الحلقة عن مسلسل "حالة خاصة" والذي يعرض حاليا ويشارك فيه هاني شنودة بتقديم الموسيقى التصويرية للعمل.

هاني شنودة

قال شنودة "هبدأ بشكر عمرو دياب لأن وصلني أنهم كانوا قاعدين وقالوا هناخد أغاني فرقة المصريين وعمرو دياب قال ما تكلمه، المسلسل دة مباراة في التمثيل وانا أنا جبت مطربة سوبرانو وخلتها اله من آلات الاوركسترا فادت المزيكا طعم إنساني والمسلسل حصلوا على حقوق فرقة المصريين من قبل ما يكلموني عن تقديم الموسيقى التصويرية ودة كان الطعم اللي جذبني للمسلسل"

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

هاني شنودة

وتابع "كنت بقدم ماستر كلاس في السعودية وبدات اقول جزء من مزيكا شمس الزناتي لقيت الناس بتكملها ودة بيزيل عني همومي ومن غير الموسيقى حياتي مكنتش هتبقى كويسة وفي أعمال فنية الناس بتفتكرها من المزيكا والموسيقى بتعد المشاهد نفسيا للفيلم زي فيلم المشبوه اللي كله اسئلة فانا عملت اسئلة ورا بعضها فأنت تكون مستعد تشوف الفيلم معنويا من خلال المزيكا"

هاني شنودة

وأضاف "احنا بني ادمين وكل واحد لو اتقن شغلته هيبقى نجم فيها بس مينساش أنه زيه زي أي بني ادم والتكبر أسوأ حالة والغرور أسوأ منه والغرور أنك مترضاش تتعلم حاجة ازيد، وانا شغلتي اني اذاكر واتمرن وانا اشتغلت في جميع أنواع الموسيقى إعلانات وأغاني وموسيقى تصويرية وموسيقى بحته وكل حاجة"

نرشح لك: غادة عبد الرازق تعلن التحضير لمسلسل "حدث بالفعل 2": هيبقى أقوى من الأول

هاني شنودة

وعن تكريم السعودية له قال "هما قدروني واكرموني ورجعت مصر لقيت ناس بتقول ازاي يكرموه في السعودية قبل مصر قلت اتكرم في أي حته أنا صنعت في مصر"

وأجاب عن سؤال إنجي على حول رأيه في موسيقى صلاح الشرنوبي وقال "أنا مقدرش اقول راي في زميل لأننا بشتغل ممكن اقول راي لما ابطل اشتغل وابقى ناقد وانا بحب كل الحان صلاح الشرنوبي"

اقرأ أيضا:

آخر ما قاله أحمد العوضي عن التعاون مع ياسمين عبد العزيز فنيا: فيلم كوميدي

أول تعليق لأحمد العوضي على خبر طلاقه من ياسمين عبد العزيز

طارق الشناوي: كلمة "الرسمي" في رسالة ياسمين عبد العزيز تشير إلى إصرارها على الطلاق من أحمد العوضي

أول تعليق من شقيق ياسمين عبد العزيز على طلاقها من أحمد العوضي

كاميرا في الفن في العرض الخاص لفيلم ليه تعيشها لوحدك ... شاهد ماذا قال النجوم

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5