"العربية اتقلبت بيه" ... فادي خفاجة يتعرض لحادث خلال ظهوره "لايف" على "تيك توك"

نادين يوسف | فى حياة المشاهير

فادي خفاجة

الأربعاء , 17 يناير 2024 - 11:35 | اخر تحديث: الأربعاء , 17 يناير 2024 - 11:55

أعلنت الفنانة منة جلال عن تعرض الفنان فادي خفاجة لحادث سير خلال ظهوره "لايف" على حسابه بموقع "تيك توك" أثناء قيادته للسيارة.

كتبت منة جلال على حسابها بموقع Facebook "يا جماعة اللي يعرف يوصل لفادي خفاجة الممثل كان لايف على التيك توك والعربية اتقلبت بيه وتليفونه فصل"

فادي خفاجة

كان فادي خفاجة قد عبر عن ندمه بسبب انهياره في بث مباشر بسبب عدم عرض أعمال فنية عليه خلال الفترة الماضية.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

فادي خفاجة

قال فادي خفاجة خلال مداخلة هاتفية له مع الإعلامي تامر أمين في برنامج "آخر النهار" المذاع على قناة النهار "أنا مش قادر اقول حاجة غير اني كنت في لحظة ضعف وبرجوا الناس زي ما شايفين اني فنان أنا إنسان ولو رجع بيا الوقت مش هعمل الفيديو ومش عارف أنا عملته ازاي وانا بسعى بقالي كتير طول الوقت الناس بتقولي أنت فين احنا متربيين على ونيس"

وتابع "أنا لا حصلت فنان ولا انسان طبيعي وانا لو سبت الناس في حالي وقعدت لوحدي أنا معنديش إجابات وانا بتسأل السؤال دة في اليوم مليون مرة"

فادي خفاجة

وأضاف "وكل الأساتذة الكبيرة اللي اشتغلت معاهم كانوا بيشكروا فيا ودة اداني امل وكنت بشوفه رسالة اني اقدم في المعهد العالي للفنون المسرحية واجتهدت واتخرجت بتقدير كل دة راح فين ولما تواجدت في مسلسل زي الاختيار كنت ضيف شرف ودة كان شرف ليا وانتظرت أن أبواب ربنا تتفتح"

وواصل حديثه قائلا "وبعد كل دة مفيش وانا مش عارف أنا مبشتغلش ليه واتحدى أن مخرج يقول اني أنا مبجيش في معادي، أو منتج يقول اني ناقشته في الأجر محصلش"

نرشح لك: ياسمينا العبد تنضم لأبطال مسلسل "مسار إجباري" مع أحمد داش وعصام عمر

وعن مقابلة المخرجين من أجل البحث عن عمل قال "سعيت وروحت قابلت مخرجين بدون استدعاء وزمان كنا بنعرف نقابل المخرج دلوقتي لازم تبعت على الميل وتاخد معاد وحتى لو النظام دة كويس بس أنا مش عارف اتواصل معاه لأن وسط كل اللي بيتقدم أنا مش هظهر"

وتابع "اعز الزملاء ومواهب أكبر مني كلنا بنكلم بعض وبنسال ليه مش بنشتغل لكن أنا بعتذر ومكنش ينفع اللي أنا عملته لكن أنا حصل معايا حاجتين أنا جاتلي رسايل من أمام الكعبة ناس معرفهاش بتدعيلي وناس اخدت الفيديوهات وقطعتها وانا مكنتش متخيل أن ناس تعمل كدة"

اعتذر فادي خفاجة مجددا وقال "أنا كنت فاتح لايف وبهزر مع الناس لكن كم التعليقات اللي كانت بتقولي أنت مكانك مش هنا فهما داسوا على الجرح"