خاص هشام عاشور لـ"في الفن": نفسي اعمل فيلم عن الاسكواش والبوكس ومهرجان الجونة أثبت للعالم إننا متكسرناش

نهال ناصر | فى سينما وتلفزيون

هشام عاشور

الثلاثاء , 19 ديسمبر 2023 - 11:26 | اخر تحديث: الثلاثاء , 19 ديسمبر 2023 - 11:38

يشارك الفنان هشام عاشور في فيلم "المعزة" الذي يعرض في قسم خارج المسابقة في الدورة السادسة من مهرجان الجونة السينمائي.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وعبر هشام عاشور عن سعادته بالمشاركة في المهرجان وقال لـFilFan.com عن الفيلم:"سعيد لأني اشتغلت مع المخرجة الإيطالية إيلاريا بوريللي لأنها بتشوف الأمور بطريقة مختلفة وأنا بكون متحمس إني اشتغل مع مخرجين مختلفين كل واحد بيكون ليه أسلوب وبيشوف القصة بطريقته، زي ما اشتغلت في "روز وليلى" مع المخرج أدريان شيرجولد وسعيد بتعاني معاه، دروي في "المعزة" مش كبير هو الفيلم بيشارك فيه ضيوف شرف كتير، ومتحمس إني أشوف الفيلم مع الجمهور".

هشام عاشور

كما تحدث هشام عاشور عن إقامة مهرجان الجونة بعد تأجيله أكثر من مرة وقال: "مبسوط إن المهرجان اتعمل أنا شايف إن مهم في ظل الظروف نقول للعالم كله إننا متكسرناش، وجودنا هنا ووجود أكتر ناس مؤثرين في المجتمع إحنا بنقول إننا بنستنكر اللي حصل وإنه مش هيطول وإننا أقوياء، وبنعرض أفلام بتتكلم عن فلسطين".

هشام عاشور

وأكمل: "الفلسطينين دول إخواتنا ومش معنى إننا موجودين هنا إننا مبسوطين دا شغل الناس بتروح شغلها هل معناه إنهم
مش متضامنين؟ الوجع جوانا، الله يكون في عونهم إحنا شوفنا حاجات موت أطفال ونساء كلها هتسيب جوانا وجع إحنا معاهم قلبا وقالبا.

وينتظر هشام عاشور عرض مسلسل "روز وليلى" بداية يناير المقبل ويحاول الظهور في أدوار مختلفة وعن هذا الأمر قال: "أنا حابب أقدم أدوار مختلفة في ناس بتقولي إنت بتغير من شكلك كتير وكده الناس مش هتعرفك، أنا مش فارق معايا الناس تعرفني فارق معايا أعمل كاركتر، أنا داخل التمثيل عشان أسيب أثر في الناس بالإيجاب وأطلع طاقة جوايا، أهم حاجة أكون متمكن من الشخصية اللي بقدمها".