كريم عبد العزيز يحكي عن فترة مرضه: الدكتورة قالتلي هتموت وكنت عايز أهرب من المستشفى

نهال ناصر | فى حياة المشاهير

كريم عبد العزيز

الاثنين , 9 أكتوبر 2023 - 10:10 | اخر تحديث: الاثنين , 9 أكتوبر 2023 - 10:10

حكى الفنان كريم عبد العزيز عن فترة صعبة مر بها عندما اكتشف إصابته بـ9 جلطات في الرئة أثناء رحلته في إنجلترا وأخبرته الطبيبة إنه سوف يموت.

وخلال لقائه ببرنامج "sold out" المذاع على منصة watch it مع الإعلامي محمود سعد قال كريم عبد العزيز: "أنا عامل لوالدتي تأمين صحي وكنت مسافر في إنجلترا وكانت والدتي تعبانه وهتعمل عملية، فجأة لقيت آلام غير طبيعية في صدري افتكرته برد ودهنت "فيكس وأبو فاس" وبعدها عملت أشعة ومشيت، فوجئت تاني يوم برسايل بيطلبوا أني أروح للمستشفى فورا وأنا مش حاسس بحاجة، وصلت لقيت ناس واقفة مستنياني وبيسألوا إزاي واقف على رجلي، وقتها كان عندي 36 سنة دخلت الأوضة مع الدكتورة وقالتلي أنا أسفة لكن دا الطب ولازم أقولك "You will die" إنت هتموت".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

حكى كريم عبد العزيز عن فترة مرضه عام 2011

وتابع كريم عبد العزيز ليحكي عن رد فعله عندما اخبرته الطبيبة بهذه الجملة قائلا: "لأول وهلة قعدت أقول هو في die جديدة في الإنجليزي كان عندي 9 جلطات في الرئة، كنت عايز أهرب من المستشفى وطلبت منها إني أروح أشوف ولادي، قعدت في المستشفى 4 أيام في العناية المركزة وكل الأفكار الغريبة كانت في بالي كل اللي بفكر فيه أولادي".

نرشح لك: "المهن التمثيلية" تحيل لقاء سويدان وميدو عادل إلى مجلس التأديب

وأكمل كريم عبد العزيز: "قررت أشوف دكتور تاني وفعلا قابلتله وقلت له إني لو قعدت في مستشفى هموت، فضل يسألني إن كنت روحت لدكتور تاني أو مستشفى وأنا أجاوت لأ، مع إن في إنجلترا الشبكة الطبية مربوطة ببعض يعني هو شايف إني دخلت مستشفى لكن كنت بجاوب لأ، لحد ما سألني بشتغل إيه قولت له ممثل ومش عايز أقعد في مستشفى، اتفق معايا إني مقعدش في مستشفى وأخدت الأدوية والحقن في البيت".

كريم عبد العزيز ايب بجلطات في الرئة

وكان كريم عبد العزيز تعرض لهذه الأزمة الصحية عام 2011.

على جانب آخر، يواصل كريم عبد العزيز تصوير مسلسله الجديد "الحشاشين" والمقرر عرضه في موسم رمضان 2024، تأليف عبد الرحيم كمال وإخراج بيتر ميمى وإنتاج شركة سينرجي.

كريم عبد العزيز في مسلسل "الحشاشين"

المسلسل يشارك في بطولته فتحى عبد الوهاب، ميرنا نور الدين، أحمد عيد، إسلام جمال، نيقولا معوض، سامى الشيخ، عمر الشناوى، نور إيهاب، سوزان نجم الدين، ياسر علي ماهر، بالإضافة إلى عدد من الفنانين ضيوف شرف سيتم الإعلان عنهم خلال الفترة المقبلة .

يذكر أن آخر أفلام كريم عبد العزيز فيلم "بيت الروبي" وهو من بطولة كريم محمود عبد العزيز، نور، تارا عماد ونخبة من النجوم ومن إخراج بيتر ميمي.

اقرأ أيضا:

إلهام شاهين: عادل إمام مش ملكية عامة علشان نتدخل في حياته

ليلى علوي تتوسط بوستر "آل شنب" ... ولبلبة وسوسن بدر بالحجاب (صورة)

من كايلي جينر إلى زارا لارسون .. من يدعم فلسطين ومن ضدها في طوفان الأقصى من أبناء هوليوود؟

بين احنا اتربينا على سينما القبلات والسينما النظيفة دي جهل ... نجوم الفن والقبلات تاريخ من الجدل

لا يفوتك: "تحليل النغمات مع عمك البات" تقييم أغنية "حب خناق" لمروان موسى ونورين

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5