سهير البابلي: الارتجال في "مدرسة المشاغبين" ضايقني

أحمد حتحوت | فى حياة المشاهير

سهير البابلي تكشف كواليس مدرسة المشاغبين

الأربعاء , 19 أبريل 2023 - 14:44

تحدثت النجمة الراحلة سهير البابلي في حوار قديم على التلفزيون المصري، عن كواليس مسرحيتها الشهيرة "مدرسة المشاغبين" وشعورها تجاه الارتجال.

في البداية، كشفت سهير البابلي أن رغم نجاح المسرحية ، إلا أنها تمنت ولو تلقى المسرح في المطلق نفس النجاح.

قالت سهير: "عملت أعمال عظيمة جدا في نص حياتي الفنية، ومدرسة المشاغبين فرقعت جماهيريًا وماديًا، والنجاح دة ضايقني، كان فين الجمهور في الأعمال العظيمة والمسرح القومي؟ أين الوعي؟".

وأضافت: "بتبسط إنني نجحت لما الناس كل شوية يقولولي يا أبلة عفت، أنا نجحت جماهيريًا وماديًا ولكنني مش مرتاحة أدبيًا".

ثم تحدثت عن غضبها من الارتجال في المسرحية، وقالت: "انساقت لهذا الارتجال، لأنهم شايقوني قوي وكنت ياما بترجاهم وأقول بلاش الحتة دي، وأقولهم بص الألاف اللي بتتفرج عليكم. الأخلاق عندي في كافة والفن في كافة".

وتابعت: "المفروض نتفق على إفيه قبل ما يتقال، ونشوف هل هو في صلب الموضوع أو خارجه خالص. ممكن أقول لفظ مش كويس وممكن أشتم وتضحكي لمدة ثانية بعد كدة تلومي نفسك إنك ضحكتي".

@yara_ibrahim_nada #مدرسة_المشاغبين #سهير_البابلي #رمضان #fyp #explore #classic #ramadan2023 ♬ original sound - Yara Ibrahim nada

ثم تحدثت عن مواقف لها مع باقي أبطال العمل وقالت: "كانوا بيحاولوا يضحكوني عشان أبقى راضية ومغضبش عليهم، مرة اتنرفزت جدا وعادل إمام قعد يتكلم كتير، قلتله لو مسكتش هقطع لسانك من لغاليغه".

ومن هنا جاء الإيفيه الشعير "كل واحد يخللي باله من لغاليغه على لسان عادل إمام، حيق قالت سهير: "الارتجال بتاعي أفادهم هما، عادل إمام بنباهته وزكاءه الفني ألف على كلمة لغاليغه ربع ساعة بحالها، الناس كانت بتروح الساعة 3. زي لما قلتله هقطعك نصيت وقالي طب أتجوز ازاي. كان بيطلب مني قبل كل عرض أقول هقطع لسانك من لغاليغه عشان يرد عليها بإفيه".

عرضت مدرسة المشاغبين لأول مرة 1971 وهي من إخراج جلال الشرقاوي وتأليف علي سالم وبطولة سهير البابلي، عادل إمام، سعيد صالح، يونس شلبي، أحمد زكي.

اقرأ أيضا:

رامز أمير لـ"في الفن": حفظي للقرآن في طفولتي ساعدني في "رسالة الإمام"

احنا عندنا منى زكي

كمال أبو رية لـ"في الفن": لوك "حفني الديب" في "الكبير أوي 7" من تصميمي وطرح مشاكل الصعيد أهم من الحديث عن اللهجة في "عملة نادرة"

رشدي الشامي يتحدث لـ"في الفن": "تحت الوصاية" عمل قاسي واستوحيت "عم ربيع" من صيادين حقيقيين

لا يفوتك: أسرار يوسف عثمان في الحفاظ على أناقته

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5