نرجسية وعايشة دور الضحية ... تحليل الطب النفسي لشخصية "نادين" في "الهرشة السابعة"

نهال ناصر | فى سينما وتلفزيون

أمينة خليل

الأحد , 2 أبريل 2023 - 16:41 | اخر تحديث: الأحد , 2 أبريل 2023 - 16:41

خلال الأسبوع الأول من شهر رمضان كانت شخصية "نادين" هي أكثر الشخصيات التي تفاعل معها الجمهور وتحدث عنها وعن انفعالاتها مع كل موقف تمر به مع زوجها.

البعض يتعاطف معها ومع كل ما تمر به، وآخرون يجدون أن انفعالاتها وردود فعلها مستفزة وأنها تجعل كل مشكلة أكبر بسبب تصرفاتها.

لكن ما رأي الطب النفسي حول شخصية "نادين" وما سبب تصرفاتها وردود فعلها على كل موقف تمر به؟

وعبر موقع Facebook قدمت الطبيبة النفسية غادة كريم والطبيبة النفسية نهى عبد الغفار تحليلا لشخصية "نادين" في المسلسل يوضح سبب تصرفاتها:

وقالت دكتورة غادة كريم عن شخصية "نادين":

نرشح لك: أحمد عبد العزيز لـ"في الفن": رفضت "سره الباتع" في البداية وكنت متضايق وأنا بقدم "الحاج شهاب" وأتمنى تجسيد هذه الشخصية

"نادين" شخص عنده مشاكل، هقول قاعدة مهمة فى العلاقات … "العلاقات بتضخم كل حاجة جوانا وتظهرها وتضاعفها" لو جواك غضب أضرب فى اتنين ولو جواك اتزان ستحصل على سلام مضاعف.

نادين من مسلسل الهرشة السابعة

وتابعت "نادين" عندها مشاكل مع نفسها بتخليها عايشة دور "الضحية" هلخص أهم خمسة منهم:
- عقلها بيعمل سيناريوهات سلبية طول الوقت قبل ما تحصل
Negative- limited mindset
- صوت عالى وغضب رهيب ورد فعل مبالغ فيه
Fear issues
- ماعندهاش مرونة تعامل فى شغل ولا بيت بتمشى رأيها وبس
Not a flexible mind
- بتحكم على الآخرين وأفعالهم وحياتهم وسوسة
Judgmental person
- نظام الدعم عندها مش شغال .. ما بتعرفش تقول كلمة حلوة لحد من قلبها زى شريف اللى بيدعم كل الناس حواليه
Not supportive at all
وأكملت متحدثة عن شخصية "نادين" وما تحتاجه للخروج مما تمر به: نادين محتاجة تتزن داخليا وتبطل الأفكار السلبية اللي مصدرها "الخوف" اللي يتجلى في كل موقف في صورة "قمص" وصوت عالي وأسئلة وجودية، محتاجة تعمل تأمل ويوجا وتسبيح وامتنان وتكتب روتين يومى وتتعافى داخليا علشان تظبط علاقتها بآدم وعيالها وتبطل أحكام وتوزع دعم وحب وتلغي الخوف بكل صوره.

تحليل دكتورة غادة كريم لشخصية نادين

فيما تطرقت الدكتورة نهى عبد الغفار للحديث عن مشهد المواجهة بين "نادين" أمينة خليل و"آدم" محمد شاهين، لتعطي وصفا لما يمر به الأزواج في بعض الأوقات بسبب مشاكل وأزمات عديدة وقالت:

نادين وآدم

مشهد المواجهة كان موجع؟؟ "نادين" و"آدم" بقالهم 3 حلقات أحداث حياتهم زي القنبلة الموقوتة...هتتفجر في أي وقت، أوقات كتير بنحاول نعدي نتجاوز… معندناش مساحة الحوار أو وقت للانهيار فبيفضل الحوار يتأجل يتأجل إلى أن يصل إلى الانفجار، حوار نادين وآدم ممكن يكون مر على بيوت كتير بشكل أو بأخر... لكن يبقى السؤال هل الحوار بصراحة أو المواجهة بتحسن العلاقة أم لا ؟ في ثلاث نقاط بتوصل الحوار بين الزوجين لطريق مسدود
-مافيش تقدير
-مافيش رحمة
-مش شايفين غير الوحش

طالع أيضا: هل "الهرشة السابعة" أزمة حقيقية؟ استشاري علاقات زوجية يجيب

وتابعت:عدم التقدير أهم عامل ممكن يبوظ أي علاقة إنسانية (انتي مش بتعملي حاجة كبيرة كل الأمهات بتخلف)، (انت مش بتعمل معجزة كل الآباء بتصرف) عدم تقديرنا مجهود بعض هو أكتر عامل بيضعف العلاقة، مافيش رحمة الرحمة مطلوبة مع نفسنا أولا ثم مع الطرف الآخر… لما يكون عندي احتياجات أقف أفهمها وأفهم نفسي وإزاي ممكن أطلبها، لما أحس أني مضغوطه اتراحم مع نفسي وأطلب مساعده، لما أكون واعية بمشاعري هقدر أعي مشاعر الآخرين مش هكون قاضي وجلاد في الحوار مش شايف غير الوحش.

آدم يحاول مصالحة نادية

واختتمت تفسيرها لما يحدث: الغضب بيخلينا نشوف الوحش بس....لكن الأخطر لما الغضب بيتراكم عنينا بتفضل تلقط الوحش بس وتعمل له مبالغة وتعميم، فبدل ما كنت بتضايق من تصرف واحد بقيت اتضايق من 100 تصرف بدل ما كان شعور الغضب محدد أصبح معمم على كل شىء لدرجة أننا بنكون مش فاهمين احنا غضبانين من ايه ولا ايه، الحوار بين الزوجين مهم من فترة لأخرى لكن مهم يكون بشكل صحيح علشان ميوصلش لنتائج كارثية.

تحليل دكتورة نهى عبد الغفار لشخصية نادين

و"الهرشة السابعة" تأليف ورشة سرد- مريم نعوم، إخراج كريم الشناوي، بطولة أمينة خليل، محمد شاهين، عايدة رياض، علي قاسم، أسماء جلال، محمد محمود، حنان سليمان.

ويعرض مسلسل "الهرشة السابعة" يوميا في رمضان على قناة "MBC مصر"، في تمام الساعة الـ10 مساء ويعاد في الساعة الـ 3:00 عصرا.

كما يعرض على "MBC مصر 2" في تمام الساعة الـ 8 مساء ويعاد الثالثة فجرا، بالإضافة إلى منصة شاهد الإلكترونية.