ياسمين عز للحوامل: بلاش بروتين ولا جيم ولا طفاسة في الأكل

مي جودة | فى حياة المشاهير

ياسمين عز

الجمعة , 17 فبراير 2023 - 21:55

وجهت ياسمين عز مقدمة برنامج "كلام الناس" نصائح للسيدات الحوامل لرعاية أزواجهن.

قالت ياسمين عز: "إياكِ ثم إياكِ ثم إياكِ في أول 3 شهور اسمعك تقولي لفرعونك مش طايقة اشم ريحتك، مش طايقة تشمي ريحة مين؟ مش طايقة تشمي نعمة ربنا؟ مش طايقة تشمي بركة عمرنا، مش طايقة تشمي حلاوة شمسنا؟ فرعونا الكبير الصغير، مش تشمي مين؟ أومال تشمي إيه؟ تشمي ريحة شعرك والزيوت العطرية اللي فيه؟ لا لا كدة لا من أولها، عايزاكي تقولي له مارتحش ولا يهدى لي بال غير لما اشم ريحة نفسك يا حبيبي، وتمشي تشمي وتشمشمي ورا ريحة جوزك، بلاش ارجوكِ جو هرمونات الحمل المتلخبطة واكتئاب الحمل والقصة اللي بتدخلينا فيها لأن ريحته بالدنيا ونفسه بالدنيا".

ياسمين عز

ياسمين عز

وأضافت: الخزعبلات في الحمل مابتخلصش، بتقول الحموضة في الشهور الأخيرة من شعر البيبي، وفي الآخر العيل بينزل بشعرة واحدة في راسه، انتِ الساعة واحدة بليل جوزك قاعد في آمان الله وأمانه تقولي له اأن نفسي هفتني على كبدة، أما أقوم اشوح لي حتتين كبدة، بدل ما العيل يطلع على راسه وحمتين كبدة، فورا لبستي العيل البريء أخطاءك، الله يعين جوزك عليك، وبعد كدة كيلو كباب وكفتة و10 أرغفة بلدي، أصلك بتتغذي لنفرين يا عمري يا روحي، تنامي بقى، تصحي تصلي الفجر وبدل ما تدعي لفرعونك الشقيان الغلبان، اللي جيبه رايح على أكلك، لا والله تصحي تشفطي لك صباعين محشي وأنتِ أصلا متعشية علبة حلاوة طحينية وقشطة، وترجعي تقولي عندي حموضة، ما هو من الطفاسة".

ياسمين عز

ياسمين عز

وتابعت: ارحمي جيب جوزك التعبان 9 شهور واسمعي كلام حماتك، بلاش بروتين ولا جيم ولا طفاسة في الأكل.

ياسمين عز

اقرأ أيضا:

طرح الإعلان الدعائي لفيلم "شوجر دادي"...تعرف على موعد عرضه

سما إبراهيم: الأفلام القصيرة شكلت فارقًا في حياتي.. وشقيقي الراحل أثر بمسيرتي الفنية

خالد عجاج: "ويجز" مختلف و"مكي" عظيم ومحمد رمضان لايق على الشكل اللي بيقدمه

الملخص- رنا رئيس في "أسرار النجوم": منى زكي وأحمد حلمي سبب حبي للتمثيل و"موضوع عائلي" نقطة تحول في حياتي

لا يفوتك: هند عبد الحليم: تخلصت من تأثير "سلمى" بمساعدة طبيب نفسي والجدل حول "أزمة منتصف العمر" دليل نجاحه

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5