بعد اتهامها بالجحود … ابنة عمرو محمد علي ترد على والدها: أمي بطلة ومش مسامحة في أي كلمة اتقالت (فيديو)

نهال ناصر | فى حياة المشاهير

عمرو محمد علي وابنته

الثلاثاء , 24 يناير 2023 - 11:28 | اخر تحديث: الثلاثاء , 24 يناير 2023 - 11:30

وجهت ابنة الفنان عمرو محمد علي رسالة له بعد ظهوره في برنامج "واحد من الناس" وحديثه عنها ووصفها أنها "ابنة جاحدة".

وظهرت شهد محمد علي في فيديو عبر حسابها على Facebook تتحدث فيه إلى متابعيها وتدافع عن نفسها وعن والدتها بعد ما قاله والدها.

وقالت شهد: مكنش نفسي اتحط في موقف زي دا بقالي كتير ساكته وكتير طلبت من مامتي منتكلمش في الموضوع لأنها حياتي الشخصية ومش عاوزة حد يعرف عنها حاجة ولكن الموضوع زاد، أعرفكم بنفسي أنا شهد عمرو محمد علي بنت الفنان عمرو محمد علي، معظم الناس هتتفاجئ باسم شهد لأنه بالنسبالي هو اسم في البطاقة كل اللي يعرفني عارفني باسم نور، أنا مش هتكلم عن أي حاجة مش هتكلم عن أنه قال عني إني جاحدة لأنه في الأول والآخر هو بابايا ومحبش أن أرد وهو يرد قدام الناس أنا بتمناله الشفاء، ولكن أنا طالعة اتكلم عن الناس اللي بتظلم والدتي.

نرشح لك: ميرهان حسين تهرب من صورة مع ريم السعيدي في حفل Joy Awards .. ما السبب؟ (فيديو)

ابنة عمرو محمد علي

وتابعت: محدش يحكم على حد وهو ميعرفش القصة أنتوا بتسمعوا بس محدش عارف هي عملت إيه وإيه حصل ما بينهم أدى لانفصالهم، محدش عارف هي عملت إيه عشاني، أنا داخلة على 20 سنة وأمي هي اللي بتصرف عليا كل حاجة، الست دي عملت عشاني كتير ومستحملش أني اسمع عليها نص كلمة، محدش عارف الحكاية وحرام طول الوقت ألاقي مكتوب الست اللي سابت جوزها ومش أصيلة أنتوا بتسمعوا من طرف واحد ليه تحكموا، اللي عاوزة أقولوا أن كل اللي عارفنا عارف أن الست دي بطلة وعملت كل حاجة في الحياة عشان أبقى إنسانة متعلمة عارفة تتكلم دلوقتي وكله بفضلها هي بس كفاية تحكموا علينا ورسالة أخيرة لوالدي وأهل والدي أنا بدعيله بالشفاء هو أبويا مهما كان، ولأهلي أنا أسفة بس أنا مش مسامحة في أي كلمة باطل اتقالت في حق مامتي.

يذكر أن الفنان عمرو محمد علي كشف عن إصابته بمرض تصلب الأعصاب المتعدد، الذي حدد حركته وأرغمه على البقاء في المنزل منذ عام 2006.

عمرو محمد علي

يذكر أن الفنان عمرو محمد علي بدأ مشواره الفني في الطفولة منتصف الثمانينيات، وشارك في العديد من الأعمال الفنية ومن أبرزها أفلام سارق الفرح، مستر كاراتيه، العذراء والعقرب، ومسلسلات حكايات مجنونة، حواء و التفاحة، ريا وسكينة.

عمرو محمد علي

ويعتبر دور شوقي "شقشق" في مسلسل "أرابيسك" أشهر أدوار عمرو محمد علي، وكان آخر عمل شارك به مسلسل "حدائق الشيطان"، تأليف محمد صفاء عامر، وإخراج إسماعيل عبد الحافظ.