سهير رمزي: بزعل لما أشوف نفسي بالحجاب اللي كنت بعمله (فيديو)

نهال ناصر | فى حياة المشاهير

سهير رمزي

الجمعة , 20 يناير 2023 - 10:01 | اخر تحديث: الجمعة , 20 يناير 2023 - 10:01

أكدت الفنانة سهير رمزي أنها لا تنزعج مما يقال عن فترة ارتدائها الحجاب وأنها فعلت ذلك لأنه كان موضة رائجة وقتها.

وقالت سهير رمزي خلال لقائها في برنامج "حبر سري" من تقديم أسماء إبراهيم ويعرض عبر قناة "القاهرة والناس: مبزعلش لأن هو لو موضة كانت حلوة لأن فيها تغطية.

سهير رمزي بالحجاب

وتابعت: شخصيا بزعل من نفسي دلوقتي لما بتفرج وأشوف شكلي بالحجاب، لأنه كان كتير أوي كنت بعمل طرح كتير وألوان كتير، لكن أي انتقاد مش بيزعلني.

وخلال اللقاء تحدثت سهير رمزي عن تقديمها مشاهد جريئة في شبابها وقالت إنها كانت مقتنعة في شبابها بتلك المشاهد وتراها جزء من عملها.

نرشح لك: هيدي كرم: محمد سامي لم يستبعدني من "جعفر العمدة".. اعتذرت لأسباب شخصية

وتابعت سهير رمزي: "زمان كنا بننزل بلبس قصير ومفتوح ومحدش بيبص لنا، لكن دلوقتي لأ، كل ده من السوشيال ميديا، وافتكروا قبلها إحنا كنا فين ودلوقتي بقينا فين، النهاردة العيلة لما تقعد مع بعض محدش بيكلم التاني، أنا بابقى ماسكة موبايل وجوزي ماسك موبايل، نتكلم كلمتين ونرجع للموبايل".

سهير رمزي من برنامج "حبر سري"

وأكدت إنزعاجها من عثورها على فيديوهات مشاهدها الجريئة على الإنترنت، موضحة: "أنت بتستفيد إيه لما تكتب كده أو تقول ده دلوقتي، وبعدين دي حدوتة الفيلم، أنا كنت جريئة في بعض المشاهد شوية، إنما في سياق الموضوع، مش هبقى قاعدة في الصالون لابسة مايوه، المايوه يتلبس على البحر، ده اللي كنت بعمله وكل البنات بتعمله".

سهير رمزي وأسماء إبراهيم من كواليس البرنامج

وأشارت سهير رمزي إلى أنها لا تحب حذف فيديوهات مشاهدها الجريئة من الإنترنت لو امتلكت القدرة على ذلك، وأوضحت: "ده تاريخ أنا عملته وملزمة به، في بعض الأفلام عموما محبهاش، لأن ممكن يبقى فيلم هايف ميقولش رسالة كويسة، عملته للانتشار وكنت وقتها عايزة أعمل اسم لنفسي، لكن أمحي تاريخي وأشيل أفلامي لأ".

يذكر أن سهير رمزي تواصل تصوير مسلسلها "أم البنات" ويشاركها في بطولته ناصر سيف، فريال يوسف، محمد عبد الجواد، حنان سليمان، حنان يوسف، ياسر علي ماهر، أيمن عزب، سميرة صدقي، مادلين طبر، فاطمة الكاشف، والفنانين الشباب: هاجر الشرنوبي، ديانا هشام، منة عرفة، هايدي رفعت، سيلين عبد العزيز، محمد مهران، محمد أحمد ماهر، أحمد جمال سعيد، حسن عيد، رانيا الخواجة، صوفيا، إكرامي هجرس، ياسمين جمال، محمد طارق، ولاء سلام، إنتاج رمسيس للإنتاج الفني – للمنتج محروس المصري، تأليف أحمد صبحي، ومن إخراج عبد العزيز حشاد.

اقرأ أيضا:

دار Louis Vuitton تستعين بأغنية "بسبوس عاشق بسة" لأحدث عروض أزيائها للرجال - فيديو

سهير رمزي: لو رجع بي الزمن مش هقدم المشاهد الجريئة وبتضايق من فيديوهاتي على الإنترنت

أول رد من رامي جمال بعد صدور حكم إلزامه بتعويض منتج ليبي

وفاة اليوتيوبر السعودي عزيز الأحمد "كوسكال بابا العرب"

لا يفوتك: "تحليل النغمات مع عمك البات" تقييم أغنية "يا عراف" لأحمد سعد وأحمد زعيم والفنان التونسي نوردو

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5