أول تعليق لخالد عليش بعد إلزام طليقته بدفع 50 ألف جنيه تعويض: بقعد مع بنتي زي المسجون

محمد أحمد | فى حياة المشاهير

خالد عليش وابنته

السبت , 31 ديسمبر 2022 - 21:12 | اخر تحديث: السبت , 31 ديسمبر 2022 - 22:12

قضت محكمة الهرم الجزئية، اليوم السبت، بإلزام طليقة الإعلامي خالد عليش، بدفع تعويض مادي ومعنوى مقداره 50 ألف جنيه لصالحه، لعدم تنفيذها حكم تنفيذ الرؤية الصادر لصالحه لرؤية نجلته الصغيرة.

وفي أول تعليق لخالد عليش كتب، عبر حسابه الشخصي بموقع التواصل الاجتماعي Facebook:" من شهر مايو اللي فات وأنا كسبان قضية ما فرضته على نفسها إني اشوف بنتي 11 ساعة في الأسبوع و بالتالي أقدر أخدها وأخرجها زي ما كان الاتفاق اللي تم وقت الانفصال واللي على أساسه بدفع المبالغ المالية المطلوبة مني".

نرشح لك - أول تعليق من رانيا يوسف على صورتها مع أحمد الفيشاوي: مش ناوية أتجوز دلوقتي

وأضاف عليش: "وبالمناسبة أنا كنت بشوفها فعلا أول كم شهر بعد الانفصال زي الاتفاق ولكن فجأة بدأت حجج كتير لمنعي ومنع أهلي و(اضطريت) أطلب حقي بالقانون مش غاوي بهدلة".

وتابع: "من وقت الحكم في شهر مايو اللي فات وبعت بطرق غير رسمية ورسمية أطلب إني أنسق عشان آجي أخدها وافسحها و راجعها ومفيش فايدة".

خالد عليش وابنته

وأكمل: "لجأت لطرق قانونية تثبت عدم رؤيتي والنهارده خدت حكم جديد بتغريمها مبلغ مالي لعدم تنفيذها الحكم.. حكم كل معناه إني أب بيدفع اللي عليه واللي متفق عليه ومحروم من بنته برضه!".

وأردف: "ولحد دلوقت مستغرب جدا ان في حد موافق ان لم تمنع اب عن رؤية طفلة وتكون بتتشرط عليه وتمسكه من ايده اللي بتوجعه ويتسقفلها كمان".

خالد عليش وابنته

طالع أيضا - المشاهد الأولى من عقد قران هاجر الشرنوبي

وواصل: "ومتعجب جدا إن في ام بترفع استئناف وتقاتل عشان تمنع حكم بيقول ان بنتها تستمتع بباباها ، ويخرجها ويفسحها ومصممة إنه ينفذ رؤية قانونية فقط ويقعد معاها ساعتين زي المسجون في مكان مقفول".

واختتم خالد عليش قائلا:"آخر حاجتين كنت اتمناهم في حياتي إن أنا و أم بنتي نقف في المحاكم قدام بعض و إن بنتي تعيش أحلى أيام طفولتها محرومة من فسح و حنان أبوها، ولسه عندي استعداد للحلول الودية بدون ابتزاز او استغلال".

اقرأ أيضا:

أحدث ظهور لنجل نهلة سلامة مع خطيبته

"الملك اللي ما جاش ولا هييجي زيه" ... كيف قدمت ريهام سعيد محمد منير في حفل رأس السنة؟

رمضان 2023- عنبة ممثل لأول مرة وكوميديا لمواجهة الأوبئة.. كل ما تود معرفته عن مسلسل "حمد الله على السلامة" ليسرا

وفاة شقيق تيسير فهمي

لا يفوتك: #شرطة_الموضة: أسرار أناقة إيميلي كوبر في Emily in Paris

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ