شريف مدكور يتصدر التريند بسبب الحجاب ... ندم على مساندته وهجوم على معارضيه

محمد سلطان محمود | فى حياة المشاهير

شريف مدكور

الأربعاء , 16 نوفمبر 2022 - 17:11

تعرض الإعلامي شريف مدكور لانتقادات بسبب حديثه عن فرض ضوابط للملابس التي تظهر بها ضيفات برنامجه من المحجبات.

وأنتقد مستخدمي Twitter إعلان شريف مدكور لرفضه ظهور أي محجبة ترتدي ملابس ضيقة في برنامجه، وإلزامه لهن بارتداء ملابس واسعة وفضفاضة، وهو ما يراه البعض تدخلا منه في حريتهن بارتداء الملابس، رغم عدم تدخله لفرض كود لملابس ضيفاته غير المحجبات.

نرشح لك- خطوبة رنا رئيس على الهواء أثناء تصوير حلقة "معكم منى الشاذلي"

وتصدر اسم شريف مدكور قائمة تريند Twitter خلال الساعات الماضية، حيث قارن البعض بين اعتراض المذيع على ملابس ضيفاته، وبين حملات المساندة والدعم التي تلقاها ضد الساخرين من ملابسه التي يظهر بها في برامجه على مدار السنوات الماضية، إلى جانب احتفاله بعيد ميلاده الـ50 بحضور راقصة شرقية أحيت الحفل.

عمر كمال يغني في عيد ميلاد شريف مدكور

شريف مدكور: pic.twitter.com/SWtoaJwBHS

— ahmedthanaa (@ahmedhthanaa) November 16, 2022

يا ريت بالمرة واحنا شايفين ان شريف مدكور وايناس الدغيدي دول هما الترويج الصارخ الفج للقبح وانعدام الهوية والشخصية والمبادئ .. نفتكر إن ما حدش بلانا بيهم غير الستات اللي شايفين شريف مدكور كيوت ومظلوم وصاحب مرض .. والستات اللي شايفين ايناس الدغيدي جريئة وبتناقش قضاياها في افلامها

— Ahmed Fawzy (@Fawzyist_) November 16, 2022

مقدرتش اكمل فيديو شريف مدكور من الاحراج ، محرجله والله من اللي بيقوله دا

— ِِAhmed Shawky (@a7medshawky_) November 13, 2022

شريف مدكور خسر آخر ذرة احترام عندي ليه، خسارة مراهقتي والله

— bassant maximus (@BassantMaximus) November 13, 2022

انا غلطانة اني دافعت عن شريف مدكور ده في يوم من الايام لما كانوا الرجالة بيتريقوا علي لبسه واسلوبة وبيطلقوا عليه الفاظ جارحة … أنا اسفة لنفسي الصراحة اني عملت كدة ياكشي يولع

— Novy♍ (@Novytique) November 15, 2022

كما تلقى مدكور دعما من مؤيديه في الرأي الذين يروا أنه يحاول تطبيق تعاليم الدين الإسلامي فيما يتعلق بملابس النساء المحجبات.

اللي فهمته من الفيديو بتاع #شريف_مدكور انه شايف ان أيوة كل واحد حر يلبس اللي هو عايزة لكن طالما انت محجبة فانتي كدة مبقتيش حرة في لبسك ومش هطلعك عندي في البرنامج إلا باللبس اللي يمشي مع الحجاب من وجهة نظري أنا

— Ahmed (@Ahmedmasoltan) November 14, 2022

شريف مدكور كنت ديماً بنتقده ف بعض تفاصيل لكن كنت شايفه فيه إنسان كويس، الصراحه بعد اللايف إللي عمله وإنه قد إيه الدين والحجاب لازم يبقو بالشكل الصح وقد إيه فيه ناس حرفياً بتستهبل ف هو فعلاً كبر ف نظري جامد وكُل كلمه قالها والله صح وأي حد بينتقده ف هو ومتخلف ولا يمت للإسلام بصله.

— 𝓜 (@monsleem25) November 16, 2022

شريف مدكور قايل كلام ميه ميه والله .. بس هو واقع ف النقطه اللي المحجبات ابو لبس ضيق واقعين فيها .. هو وصفهم بنص حجاب .. و هو بردو بيطبق نص مبدا ..
انت بلدك اسلامي و فاهم الصح م الغلط .. يبقي يطلع معاك محجبات ملتزمات بس بقي .. ليه تطلع للمجتمع واحده بشعرها !!

— cherry blossom (@NadaShhata) November 16, 2022

شريف مدكور مقالش حاجة غلط فعلاً، اللي مش محجبه تعمل اللي هي عايزاه عشان هي مش محجبة، انما المحجبة يا تلتزم بالصورة اللي المفروض تظهر بيها وتبقى قدوة وتمثل الفئة بتاعتها يا متمشيش على سطر وتسيب سطر وتبقى سايبة مجال للقيل والقال، ايه يا بنات عايزين حجاب مع half-stomach ولا ايه بجد؟

— Ahmad Samir - أحمد سمير ™ (@Ahmadelsamir) November 16, 2022

وأوضح شريف مدكور أنه لن يجعل أي سيدة محجبة ترتدي ملابس ضيقة تظهر في برنامجه، مشيرا إلى أنه يبلغ السيدات بذلك أثناء الاتفاق على الظهور في البرنامج.

وقال شريف مدكور: هي وجهة نظر من غير ما أزعل أي حد، ستات مصر بالنسبة لي هي أمي وأختي وببقى فخور وسعيد لما بيتقال أني مذيع ستات مصر دا تاج على راسي، الموضوع اللي هتكلم فيه حساس عن المحجبات، أنا في البرنامج عامل "دريس كود" بمعنى أي محجبة هتطلع في البرنامج لازم تكون لابسه ما لا يصف ولا يشف.

وتابع: ابتديت ألاحظ أن يجي ضيوف محجبات لابسين طرحة ومغطين راسهم ولابسين "بادي" وهما ممتلئات شوية وكل جسمهم متفسر، وبنطلون ضيق جدا وجزمة بكعب ومكياج كامل ورموش طويلة، كل واحد حر في لبسه مش هتدخل لكن دا مش هيطلع على الشاشة.

وعن "الدريس كود" قال: أي سيدة محجبة هتظهر في البرنامج تلبس فضفاض ومش ألوان صاخبة ولو بنطلون يكون واسع، بس في مش قادرين يستوعبوا دا وبيزعلوا، والرد دايما يكون أنت بتطلع ناس لابسين عريان وأنا باقول هما مش محجبات لكن اللي اختارت تكون محجبة دا فرض، المحجبة بتتنازل عن جمالها ومتبقاش ملفتة للنظر.

وحكى عن موقف حدث في إحدى الحلقات: ابتدى يحصل مشاكل وضيوف يزعلوا، من شهر كان معايا مدرسة بتقدم شو باليه، لقيت 4 بنات هيعملوا شو فيهم 3 بنات محجبات، لابسين ضيق وقفت التصوير ومدربتهم قالتلي هما علشان أتحجبوا ميرقصوش باليه، وردي كان أن الباليه ليه لبس محدد ورقصات لا تناسب المحجبة، مشيرا إلأى أنه سمح لهم بالعرض بعد بكاء الفتيات وكان يغض بصره أثناء الرقص.

الراقصة مع مدعوات عيد ميلاد شريف مدكور

وأكد شريف مدكور أنه ضد "البوركيني" لنفس السبب ووجه رسالة إلى زميلاته الإعلاميات المحجبات موضحا أنهن واجهة للمحجبات ويؤثرون على أي سيدة وعليهن عدم الظهور بمكياج ثقيل كما يحدث.

يذكر أن شريف مدكور يقدم برنامج "4 شارع شريف" عبر قناة الحياة، كما قدم برنامج "حول الأرض في 30 يوم" في موسم رمضان الماضي على إذاعات راديو النيل، وتقوم فكرته على التعرف على معلومات عن الكواكب والنجوم والكرة الأرضية، ومدته 10 دقائق.

اقرأ أيضا:

لبلبة: حذف لي 3 مشاهد هامة في "ضد الحكومة" خوفا من منع عرضه وعاطف الطيب رحل قبل أن يحتفي بنجاحي

مهندس ذكاء اصطناعي يكشف لـ(في الفن) تفاصيل اعلان تامر حسني الجديد.. كيف تحول لـ4 فنانين؟

لبلبة: والدتي قاطعتني 15 يوم بسبب حضن في فيلم "جنة الشياطين" وبعدها معملتش المشهد دا تاني

نجوم الفن يشجعون هذه المنتخبات في كأس العالم 2022 .. سامبا وتانجو وأمنيات للعرب

لا يفوتك - خناقة فساتين ريد كاربت مهرجان القاهرة السينمائي... يا ترى مين من النجمات التزمت بالدريس كود اللي أعلن عنه حسين فهمي؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5