ليس رجل أعمال ... سالي عبد السلام تكشف عن هوية زوجها وفارق العمر بينهما

محمد سلطان محمود | فى حياة المشاهير

سالي عبد السلام وزوجها

الاثنين , 3 أكتوبر 2022 - 23:40 | اخر تحديث: الثلاثاء , 4 أكتوبر 2022 - 00:48

كشفت الإعلامية سالي عبد السلام عن هوية زوجها، بعدما تصدرت أخبارها مواقع التواصل الاجتماعي عقب حفل زفافها يوم السبت الماضي.

نرشح لك- نسرين عكاشة: عرض "الباب الأخضر" في الإسكندرية السينمائي حقق لوالدي حلمه

وانتشرت صور سالي عبد السلام مع زوجها الذي أخفت هويته، وهو ما دفع البعض لنشر معلومات غير دقيقة عنه.

وكتبت "عبد السلام" في رسالة لمتابعيها مساء اليوم عبر Instagram، موضحة بعض التفاصيل عن خبر زواجها المفاجيء، قائلة: "‎الحمدلله الذى تتم بنعمته بالصالحات، ‎ماشاء الله اللهم بارك، لما يتقالى مصر كلها فرحنالك ده رزق، لما الناس دى كلها اللى بحبها تيجى ده رزق، كل واحد عمل شغله بحب فى الفرح ده رزق".

وأضافت: "إن يتقالى قفلتى الجيزة كلها ومفيش مكان فى باركينج الأوتيل، الناس بتركن برا صف تالت عشان تجيلكوا ده رزق وإحنا آسفين، ‎طول عمرى كان نفسى اتجوز ظابط محترم وطيب وبيخدم الناس لله، ربنا رزقنى بظابط مهندس، مقدم مؤمن الباز، ابن عمدة الشرقية الحاج سالم حبيبى الله يسعده".

وتحدثت سالي عبد السلام عن زوجها قائلة: "صبرنا أنا ومؤمن ٣٦ سنة وهو صبر ٤ أيام أكتر، هو أكبر بـ ٤ أيام. كل المعلومات اللى الاخوة الصحفيين كتبوها مش صح، لا رجل اعمال ولا خريج الـAUC، الحمدلله حمداً كثيراً، وبرضه محدش هيصدق عرفنا بعض إزاى".

وأضافت: "يا طيب يا جدع يا محترم يا خدوم يا ابن الحلال…بحبك فى الله يا طيب. ربنا يرزق الكل يا رب، إدعولنا محتاجين دعوات كتير أوي، جبرنا بخاطر الكل، يا رب اجبر بخاطرنا".

يذكر أن سالي عبد السلام تقدم برنامج "قصة حقيقية" عبر القناة الأولى بالتليفزيون المصري، كما تقدم البرنامج الإذاعي "البرنامج اللي بيقولوا عليه" عبر إذاعة ميجا FM".