عفاف شعيب تنتقد رضوى الشربيني: بتقوم الستات على الرجالة

نهال ناصر | فى سينما وتلفزيون

عفاف شعيب ورضوى الشربيني

الأربعاء , 7 سبتمبر 2022 - 00:09 | اخر تحديث: الأربعاء , 7 سبتمبر 2022 - 00:09

انتقدت الفنانة عفاف شعيب الموضوعات التي تناقشها الإعلامية رضوى الشربيني في برنامجها موضحة أنها تتسبب في "خراب البيوت".

وقالت عفاف شعيب خلال استضافتها في برنامج "البخت"، الذي تقدمه خلود عزمي عبر قناة الشمس: مبحبش كلامها، بتقوم الست على الراجل وتقوم الراجل على الست، في خراب بيوت، البيت بيتخرب بسبب الكلام اللي مالوش لازمة.

عفاف شعيب في برنامج البخت

وتابعت: مش كل واحدة مرت بأزمة في حياتها هتنفذ كل دا على بقيت الناس، أنتي شفتي مشكلة يمكن ربنا خصك بيها علشان تصبري، يمكن ربنا عمل كده علشان تقربي منه مش أنك تفرقي بين الزوج والزوجة.

رضوى الشربيني من برنامجها

وأكملت: هي جميلة وبيعجبني وشها وأناقتها، لكن كلامها مبيعجبنيش وكل واحد حر، وأنصحها وأقولها أقري كتاب ربنا أقري القرآن الكريم وتعمقي فيه وأقري أحاديث الرسول وأدرسي فقه المرأة.

نرشح لك: المسرح وقع والناس شالتني وجريت في البلد..أحمد سعد يروي حادثا تعرض له بسبب أغنية "بحبك يا صاحبي"

رضوى الشربيني من جلسة تصوير

وأضافت: في ناس هتقول أني مع الرجل لكن أنا مع حق ربنا اللي اتعلمناه من أهالينا أنا شفت أمي بتتعامل مع والدي أزاي وشفت خالتي بتتعامل إزاي مع زوجها، الود والرحمة، اعتبر كل اللي بيحصل بدع.

وخلال اللقاء كشفت عفاف شعيب عن رأيها في "تريند" "الست مش ملزمة" وقالت: "الله يسامحكم، دي دعوة لخراب البيوت وكلام فاضي وعيب، إحنا ماشيين على الشريعة الإسلامية والسنة".

وأضافت: "اللي بيتكلموا عن الموضوع دارسين إيه؟ هل فهمتوا دينكم الأول، وربنا سبحانه وتعالى طلب إيه من المرأة والرجل، المرأة لها حقوق والرجل له حقوق".

وردا على سؤال ما الهدف من هذه الدعوات في رأيك؟ قالت: "دي أجندة يتم تنفيذها لمصلحة الغرب، والمشكلة إن البرامج الدينية عندنا انقرضت، وأصبح لدينا أزمة أخلاق ودين".

عفاف شعيب

وخلال الأيام الماضية، أعربت عفاف شعيب عن استيائها الشديد من انتشار شائعة وفاتها على بعض المواقع الإخبارية.

وقالت عفاف شعيب: "شائعة وفاتي سخيفة، وتلقيت العديد من الرسائل والمكالمات الهاتفية من جميع أنحاء الوطن العربي للتأكد من صحة المعلومة. ليه إشاعة زي دي، وليه بتوجعوا قلوب الناس، كلنا هنموت وكلنا مستنيين دورنا، لكن محدش يكتب إننا متنا ويزعلوا الناس".

يذكر أن عفاف شعيب شاركت مؤخرا في مسلسل "زي القمر"، الذي عرضت آخر حلقات موسمه الثاني في ديسمبر من العام الماضي، وشاركت في بطولته مجموعة من النجمات ضمت درة، صابرين، آيتن عامر، مى كساب، سوسن بدر، وداليا مصطفى.