محمد نور يعتذر لأعضاء نقابة الموسيقيين نيابة عن حمو بيكا والأخير يرد: أنا عاوز أكل عيش

نهال ناصر | فى حياة المشاهير

محمد نور

الثلاثاء , 23 أغسطس 2022 - 19:08 | اخر تحديث: الثلاثاء , 23 أغسطس 2022 - 19:08

أطلق الفنان محمد نور مبادرة للصلح بين مغني المهرجانات حمو بيكا ونقابة المهن الموسيقية، بسبب تصريحات "بيكا" الأخيرة التي اتهم فيها بعض من أعضاء النقابة بطلب رشوة.

ونشر محمد نور فيديو عبر حسابه على Instagram أكد فيه أنه لم يخبر أحد بمبادرته، واعتذر بالنيابة عن حمو بيكا وقال: أتفرجت امبارح على فيديو حمو بيكا وهو بيتكلم عن نقابة المهن الموسيقية الكلام دا مش صحيح، هما ناس متعاونين جدا، لكن أنا مش بعتب عليه هو عنده حالة غضب هو مكنش يقصد لأنه طيب جدا وفي حاله، وصعب عليا لما قال نفسي أشتغل، أنا بعتذر لأعضاء النقابة واحد واحد بالنيابة عن حمو بيكا، عفا الله عما سلف وهو هيكتب اعتذار وهجيبه وأجيلكم.

محمد نور يتحدث عن حمو بيكا

View this post on Instagram

A post shared by Mohamed Nour (@mohamednourofficial)

وكتب محمد نور تعقيبا على الفيديو: لكل أعضاء نقابة المهن الموسيقية أخوتنا الكبار اللي طول عمرهم معانا في كل كبيرة وصغيرة بعتذرلكم نيابة عن حمو بيكا هو أكيد مكنش يقصد الإنسان وقت الغضب مش بيعرف يقول ايه هو بس عاوز يشتغل ودي كلمة اثرت فيا طبعا ولكن. ده ميديلوش أي حق ان يغلط في اي حد من اساتذتنا الكبار هو هيعتذر وعشان خاطري أنا تقبلو اعتذاره أنا هجيبو وأجيلكم ونخلص الموضوع وتشغل إن شاء اللهً أتمني تقرأ الكلام ده وتعتذر وهما مفيش أطيب منهم والموضوع يخلص أنا بس تدخلت عشان عارف أنك طيب وفي حالك وعندك جمهور بيحبك وهما محترمين فوق الوصف أهل وعيله حقيقي مش نقابة، وعفا اللهً عما سلف شكرا وأتمني من الجميع محدش يغلظ أو كده في الكومنتات أنا فقط مقدرتش اسمع حد بيقول نفسي اشتغل وانا محاولش أساعد شكرا للجميع طولت عليكم شكرا لأستاذ أحمد رمضان والمايسترو الأستاذ حمادة أبوً اليزيد وأنا متاكد أنكم هتتعاونو معايا وده مش جديد عليكم.

نرشح لك: زاهي حواس: عمر الشريف سألني مين فاتن حمامة وسر اختياره مكان دفنه

تعليق محمد نور

ومن جانبه رد حمو بيكا على مبادرة محمد نور قائلا: شكرا لأخويا انجم محمد نور اللي أنت شايفه أنا هعمله أنا عاوز أكل عيش في بلدي علشان أنا بحب جمهوري في بلدي واللي حضرتك شايفه أنا معاك فيه وعفا الله عما سلف وطبعا أي حد على دماغي ودي مبادرة كويسة منك شكرا لدعمك ليا وأنا أخوهم الصغير.