حازم إيهاب يكشف لماذا رفض إجهاض ابنه رغم فتوى الأزهر له بجواز ذلك (فيديو)

محمد سليم | فى سينما وتلفزيون

حازم إيهاب

الثلاثاء , 16 أغسطس 2022 - 02:08 | اخر تحديث: الثلاثاء , 16 أغسطس 2022 - 02:08

كشف الفنان حازم إيهاب عن أنه حصل على فتوى من الأزهر بجواز إجهاض ابنه، الذي توفي في مارس الماضي بعد أيام من ولادته بعيب خلقي في القلب.

وقال حازم إيهاب خلال استضافته في برنامج "رمادي"، الذي تقدمه الإعلامية عبير بسيوني عبر مواقع التواصل الاجتماعي: "ابني كان مكتوب له إنه ييجي الدنيا ويقعد معانا 13 يوم، وهيروح للي خلقه تاني، يعني ابن الذين ضمن الجنة من غير أي حاجة".

نرشح لك - تامر حسني لليائسين والمحبطين: افتكروا معاناتي .. اشتغلت في الفاعل وعامل بنزينة

وأوضح حازم إيهاب أن زوجته لم تعلم بدخول ابنهما غرفة العمليات لإجراء جراحة في القلب قائلا: "يونس لما جه منة مكانتش عارفة إنه دخل العمليات، ودي كانت مشكلة أكبر بكتير. نقلناه المستشفى، وفضلنا نقول لمنة إنه تحت في الحضانة، كام يوم وابتديت أسرسب لها المعلومات واحدة واحدة".

وتابع: "في حد في أمريكا قاللي إحنا عندنا هنا في الوقت ده بنقول ننزله، وكانت منة في الشهر الخامس، وأول ما عرفنا إنه ولد عرفنا إن في غرفة من غرف القلب مكانتش شغالة، وممكن نستنى شوية وقت وممكن تشتغل، والأزهر أفتى لي إن إحنا ننزله، بس أنا مكانش عندي المنطلق ده".

طالع أيضا - متسابقة برنامج "ذا فويس كيدز" تعلن وفاة 6 من أقاربها في حادث حريق كنيسة المنيرة

حازم إيهاب

وشرح حازم إيهاب سبب رفضه فكرة الإجهاض قائلا: "أنا تفكيري اللي ربنا كاتبه له هيشوفه، أكيد ربنا مش هيبقى عايزه يتعذب، بس مش هعرف أسامح نفسي إني ممكن أنزله، وأرجع أطارد نفسي بعدها بكام شهر، وأقول إفرض كنت سيبته يكمل، مش جايز كان ربنا حط فيه معجزة".

حازم إيهاب

واستعاد حازم إيهاب اللحظات التي عاشها بعد وفاة ابنه مباشرة قائلا: "من سذاجتي كأول مرة أحضر الموقف ده، أول حاجة عملتها كلمت حد حجزلي قاعة عزاء، وبعدها اكتشفت إن الإطفال مفيش لهم عزاء".

حازم إيهاب

وتابع: "ومن سذاجتي باخد يونس وهو يا حبيبي في الكفن، ورايحين نصلي عليه، فإمام المسجد قال يا حبيبي إحنا بنصلي على المتوفي عشان ربنا يخفف عنه ويرحمه، ده نصلي عليه ليه؟ إحنا نحاول نتمحك فيه عشان يدخلنا الجنة معاه".

اقرأ أيضا:

منة عرفة تسأل الجمهور: أنا شبه سيلينا جوميز؟

ويجز قبل حفله في الساحل الشمالي: أي حد مش سالك ماتجيش

"المترو" أغنية شيرين عبد الوهاب القادمة من كلمات أمير طعيمة

#شرطة_الموضة - البرتقالي يسيطر.. ليلى زاهر تواجه الشمس بإطلالات صيفية جذابة

لا يفوتك: تحليل أغنية "عارفة قيمتي" .. أنغام تعاون لأول مرة مع عمرو مصطفى وده مالهوش غير معنى واحد

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5