محمد كريم: مشاركتي في فيلم A Day to Die نجاح للعرب

محمد سلطان محمود | فى سينما وتلفزيون

محمد كريم

الأربعاء , 3 أغسطس 2022 - 11:08 | اخر تحديث: الأربعاء , 3 أغسطس 2022 - 11:08

قال الفنان محمد كريم إنه يعتبر مشاركته ضمن أبطال الفيلم الأمريكي A Day to Die بمثابة نجاح للعرب، بسبب مستواه الفني المبهر.

وأوضح محمد كريم في تصريحات لبرنامج MBC Trending، أنه يشعر بالسعادة لوجود عروض خاصة للفيلم في الوطن العربي.

وأضاف متحدثا عن العرض الخاص للفيلم في السعودية: "إن يكون دولة عربية فيها الانفتاح الجميل ده، تهتم أن فنان عربي عمل بطولة في هوليوود، أن يتفتح 3 صالات يوم العرض الخاص، دي حاجة تسعدني جدا".

محمد كريم في فيلم A Day to Die

نرشح لك- لسبب استثنائي منتج فيلم "تسليم أهالي" يسرب جزءا من الفيلم

وتطرق محمد كريم لدوره في A Day to Die قائلا: "مش عايز أحرق الفيلم، بس كل الناس في قسم الشرطة ماكنوش مصدقين اللي كنت عايز أقوله لهم، لحد ما طلع اللي خايف منه هو اللي صح ".

وأشار إلى اعتزال بروس ويليس لظروف صحية قائلا: "بعد الفيلم بتاعنا هو صور 6 أفلام، بس باعتبر أن أنا محظوظ إني صورت معاه خصوصا إن 90% من المشاهد بتاعتي معاه، ويكون من أخر 10 أفلام في حياته، دي حاجة تسعدني جدا".

محمد كريم في فيلم A Day to Die

وأكد محمد كريم أنه زار بروس ويليس بعد المشاكل الصحية التي تعرض لها وأدت إلى فقدانه القدرة على الكلام واعتزال التمثيل، ووجده يعيش حياة سعيدة.

وأوضح: "كلنا بنحبه، وأنا شفته قريب بعد ما ده حصل، وشايف أنه عايش في حتة كويسة جدا، دماغه رايقة دلوقتي، مروق دماغه وإحنا اللي تاعبين نفسنا".

ويشارك محمد كريم في بطولة فيلم A Day to Die إلى جانب بروس ويليس، كيفين ديلون، جياني كبالدي، بروك باتلر وجوني ميسنر، والفيلم من تأليف راب بيري وسكوت مالاس وإخراج ويس ميلر.