في أحدث ظهور لها..مريم الخشت بعكاز تروي تفاصيل أزمتها الصحية

مروة لبيب | فى حياة المشاهير

مريم الخشت

السبت , 16 يوليو 2022 - 15:23

في أحدث ظهور لها بعد ابتعادها عن مواقع التواصل الاجتماعي لفترة، ظهرت الفنانة مريم الخشت من جديد في فيديو عبر Instagram .

ظهرت مريم الخشت بعكاز وروت تفاصيل أزمتها الصحية وتعرضها لكسر في قدمها، كما تحدثت عن تجربتها المنتظرة في مسلسل "مجنونة بيك".

نرشح لك: بكاء الكينج وظهور خاص لـ"بلاك تيما".. 8 مشاهد من حفل محمد منير في الإسكندرية

وكتبت الخشت:"بداية السنة دي كانت مختلفة.. واختلافها في حاجات كنت متعودة عليها بقالي سنين وكلها اتغيرت.. يعني السنة دي هي أول سنة مكنش في الردايو اللي بقالي فيه سنين، ومكُنش في رمضان لأول مرة من 5 سنين، ولأول مرة رجلي تتكسر وتخليني أقعد في البيت أطول فترة في حياتي في وقت بكل المقاييس اللي في الدنيا ماينفعش يحصل فيه كدهّ بس فعلاً ربنا كبير أوي و مش بيعمل حاجة وحشة، وأنا فعلاً مؤمنة بده!

View this post on Instagram

A post shared by Mariam El Khosht (@mariam.el.khosht)

وعن مسلسلها الجديد قالت "مسلسل "مجنونة بيك" تجربة مختلفة أول مرة تحصل في الوطن العربي، أول مسلسل استعراضي غنائي.. كل الناس اللي بتشتغل فيه بتعمل أقصى وأكتر حاجة عندها عشان يطلع في أحسن شكل، عدد استعراضات كبير وأغاني بتتحفظ وبتتسجل قبلها بفترة، وتيجي يا مريم يوم 30 مارس بعد أول أسبوعين تصوير تٌقعي على رجلك بعد مشهد عادي جداً، بعد الوقعة رجعت كملت التصوير، وبين توقيف التصوير وإننا نكمل لوقوف تصويره شهر كامل!

وتابعت مريم الخشت "كل التفاصيل والحاجات اللي عيشتها كانت مخلياني مش فاهمة إزاي هرجع بعد شهر أقدم أكتر من 13 استعراض! اختفيت فترة طويلة، وبعدها رجعت أصور وصورت كل الاستعراضات وانا رجلي لسه فيها مشاكل بس حماسي لكل حاجة كان مخليني أحسن، متحمسة لكل حاجة حصلت في المسلسل اللي بتشرف إني اشتغلت فيه.

واختتمت مريم الخشت قائلة "شكراً لكل الناس من المنتجة الجميلة سالي والي وحبايبي علي فايز وأحمد جمال.. والمخرج صديقي الجميل جو بوعيد، وحبيبي مدير التصوير أحمد زيتون و مصمم الاستعراضات الهايل هادي عواضة، والكاتب الخطير و صديقي عمرو مدحت، المزيكا اللي قدمها ومن أكتر الناس اللي شجعتني مصطفى الحلواني، والميكب آرتست حببتي آية عبد الحميد وزمايلي وأصدقائي اللي وقفوا جنبي جدا أمير المصري وآدم الشرقاوي وانتصار وإنجي كيوان ومراد مكرم، ولتيم الإخراج اللي حرفياً "شالني" المسلسل كله بعد الوقعة، ولكل الناس اللي اشتغلوا وطلع عنيهم عشان المسلسل يخرج بأحسن شكل.متحمسة جداً تشوفوا "راندا" ومتحمسة تقولولي رأيكم.

من ناحية أخرى، عرض لمريم الخشت مؤخرا في دور السينما فيلم "ريستا" ويشاركها البطولة كل من محمود حميدة وأحمد الفيشاوي وعائشة بن أحمد ومريم الخشت ومي الغيطي وأمير المصري وكارولين عزمي ويوسف عثمان، ومن تأليف معتز فتيحة، وإخراج أحمد يسري.

تدور أحداث الفيلم في إطار رومانسي، عن ثلاث قصص حب في أزمنة وأماكن مختلفة، في وجود رابط بين هذه القصص الثلاثة.