رسالة حمو بيكا للطلبة: العلم بيستر كتير أوي.. أوعى تقول فلان ناجح بس مش متعلم

محمد سلطان محمود | فى حياة المشاهير

حمو بيكا

الأربعاء , 15 يونيو 2022 - 17:06

وجه مغني المهرجانات حمو بيكا نصيحة لطلبة الثانوية العامة والجامعات، تزامنا مع امتحانات نهاية العام الدراسي.

كشف حمو بيكا عن معاناته بسبب عدم تلقيه التعليم والالتحاق بالمدرسة في طفولته، مؤكدا أن العلم مهم من أجل تحقيق النجاح.

نرشح لك- القصة الكاملة لشائعة زواج وطلاق لميس كان صاحبة أغنية "مسيطرة"

وقال "بيكا" : رسالة لطلاب الثانوية العامة والكليات.. هو أنا أه مش متعلم وأخدت محو الأمية بالعافية، لكن ده مش حاجه تفرح ولا تقول (عندك بيكا اهو مش متعلم بس ناجح)، صدقوني و الله طعم النجاح مع العلم مختلف تماماً عن طعم النجاح من غير علم".

وأضاف: "العلم بيفرق في كل حاجة في الدنيا، كمية معاناه بشوفها يومياً بسبب أني مش متعلم كبيرة أوي مش بتمني حد منكم يشوفها أو يتعرض لها".

وتابع حمو بيكا: "العلم بيستر كتير أوي وبيخليك واعي ومتفتح في كل مجالات الحياة ، هو أه الشارع علمني كتير، بس مش زي المدارس والجامعات، حتي لو مش هتشتغل بشهادتك وحتي لو دخلت كلية مش بتحبها ، بس يكفي أنك متعلم و معاك شهادة تقدر تسد بيها عين الشمس".

وأكد مغني المهرجانات: "اتعلموا و خلوا بالكم من تعليمكم و شهداتكم لأنها هتفرق كتير اوي معاكوا و مع عيالكم بعد كده، أنا اه مادخلتش مدارس وماتعلمتش ، بس حابب كل اللي حواليا ناجح و متعلم وأوعى يوم تقول أهو فلان ناجح بس مش متعلم ".

رسالة حمو بيكا إلى الطلبة

اقرأ أيضا:

ميار الببلاوي: أنا بين الحياة والموت في أمريكا

#شرطة_الموضة: أمينة خليل بفستان أبيض يظهر خسارتها في الوزن

حسن شاكوش: أزمتي مع النقابة شبه منتهية وأعمالي الجاية حاجة تانية

#شرطة_الموضة: هذا ما تحبه نسرين طافش في ملابس الصيف... فساتين ملونة بقطعتين

لا يفوتك- أسعار كل نجوم الغناء في أفراح صيف 2022 .. ميزانيتك تخليك تجيب مين يغني في فرحك؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5