حسن يوسف يرد على جدل تصريح القبلات: طعمها كان زي الماية

مروة لبيب | فى حياة المشاهير

حسن يوسف

الثلاثاء , 14 يونيو 2022 - 22:22

رد الفنان حسن يوسف على الجدل المثار حول تصريحاته الأخيرة حول القبلات وأنها كانت خالية من الإحساس.

وأثار هذا التصريح جدلا واسعا خاصة بعدما أضاف يوسف أن تلك القبلات ليست حراما مضيفا "ما كانش ليها طعم وكنا بنتمضمض بعدها فما تعتبرش حرام".

وفي تصريحاته لبرنامج ET بالعربي، قال حسن يوسف تعليقا على الأمر "مش عاوز أتكلم بالموضوع ده ملوش لازمة".

نرشح لك: دنيا عبد العزيز لـ"في الفن" : شائعة انفصالي انتشرت بعد ساعتين من زفافي ولا أستطيع التأقلم مع رحيل والدتي (1)

وتابع "أنا مش هقدر أقول حرام ولا حلال أنا مش شيخ أو مفتي علشان أقول حرام أو حلال، أنا بهزر معاه بقوله لا لون ولا طعم ولا رائحة زي المياه بالظبط حتى تدخل تتمضمض بعدها تلاقي نفس الطعم قالك تدخل تتمضمض علشان ده حلال ولا حرام وقال حاجة من عنده".

وعن رأيه في تقديم القبلات في الوقت الحالي في الأعمال الدرامية قال حسن يوسف "أنا مش عاوز أتكلم في الموضوع ده موضوع مالوش لازمة يتسأل عنه أصحابه واللي بيأدوا نفس المشاهد".

أما عن رؤيته للفن إذا كان حلالا أم حراما قال حسن يوسف "أنا سمعت من الشيخ الشعراوي كنت قاعد معاه وبسأله قالي هي الكوباية اللي قدامنا دي بنشرب فيها ايه قولتله شاى فقال لي "لو حطينا بدل الشاي خمرة قلت له ده يبقى حرام فقال لي "ايه ذنب الكباية قالي الفن زي الكباية دي تقدم فيه حلال يبقى حلال وتقدم فيه حرام يبقى حرام يعني رأيي بسيط ومقنع جدا".

اقرأ أيضا:

لارا إسكندر: تجربة التمثيل صعبة وآسر ياسين ساعدني كثيرا في "الثمانية"

تعليق مثير للجدل من أسما شريف منير على صور أحمد حسنين: توقف عن كونك وسيما

في عيد ميلاده- كريم محمود عبد العزيز الذي أعاد تقديم نفسه للجمهور … 2022 وش السعد و"الغزالة رايقة" أيقونة النجاح

بهاء الدين محمد يهاجم فنانين استخدموا لجان إلكترونية ضده.. هل قصد شيرين عبد الوهاب؟

لا يفوتك: الملحن والمطرب مصطفى جاد: سميرة سعيد السبب في خوض تجربة الغناء ولا يزعجني لقب "زوج كارمن سليمان"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5