بتحولوها لنمبر وان ... طبيب نفسي يحذر من المبالغة في الاحتفاء بـ رحمة أحمد

نهال ناصر | فى سينما وتلفزيون

رحمة أحمد

الجمعة , 8 أبريل 2022 - 14:00 | اخر تحديث: الجمعة , 8 أبريل 2022 - 15:27

كشف الطبيب النفسي محمد طه، عن رأيه في تفاعل الجمهور مع ظهور الفنانة رحمة أحمد في مسلسل "الكبير أوي 6" وتجسيدها لشخصية "مربوحة" والاهتمام الإعلامي بها.

وتحت عنوان "كيف تحترق النجوم؟" رسم سيناريو لما قد يحدث وتتعرض له رحمة أحمد خلال الفترة المقبلة ما لم تنتبه خلال اختيار أدوارها.

نرشح لك: بعد اتهامه بإهانة الفن المصري فان دام يدافع عن محمد أنور ... والأخير يعتذر

وقال دكتور محمد طه: ظهرت الفنانة الواعدة، الشاطرة والمجتهدة (رحمة أحمد)، فى حلقة من مسلسل (الكبير) من يومين قامت بآداء دورها باجتهاد واضح وتلقائية عالية وخفة ظل فتحت لها قلوب الجميع علشان نلاقى تانى يوم مش بس ترحيب كبير بآداءها أو تشجيع مفهوم ليها فى بداية مسيرتها الفنية الناجحة بإذن الله لأ اللي حصل -فى رأيي- هو البداية المعتادة والمتكررة لما أسميه دورة (حرق النجوم).

وأوضح: خلينى أقولك إزاى يمكنك/يمكننا حرق نجم فى بداية سطوعه:

- نعمل موجة هائلة جداً من الافتتان والإعجاب والمدح والثناء -اللى هى تستحق كثير منهم- لكن ندى الأمر أكبر من حجمه ونضخمه لحد الهوس Mania.. ونحوله لتريند (يفاجئ صاحبته نفسها) فى عدة ساعات.

- نبدأ نحطه فى خانة المقارنة.. مقارنة باللى قبله واللي زيه واللى بعده.. زى ما تمت مقارنة (محمد هنيدي) فى بداياته مع (عادل إمام).. ومقارنة (تامر حسني) فى بداياته مع (عمرو دياب) و(مصطفى حسني) فى بداياته بـ(عمرو خالد) و(محمد صلاح) بـ(محمد أبوتريكة) و(محمد أبو جبل) (بالشناوى) فى الحالة دى تمت مقارنتها فوراً بالنجمة (دنيا سمير غانم) مقارنة ظالمة وغير مبررة ولا ليها أى معنى، لدرجة إنها شخصياً قالت: يا جماعة "دنيا سمير غانم لا تقارن بحد وأنا من فانز دنيا ولو اتحطينا فى مقارنة أنا الخسرانة"، لكن إزاى إحنا المقارنة فى دمنا وفى ثقافتنا وفى تربيتنا إحنا بنتغذى على المقارنة إحنا بنرضع أطفالنا مقارنة بينهم وبين قرايبهم وأصحابهم وزمايلهم.

وأكمل: المقارنة بتوصل لصراع.. مش منافسة.

- ياللا بقى ندخله فى صراعات وفى حالتنا يقولك: ده الفنان (أحمد مكى) مديها مساحة وسايبها تتكلم هى كده ممكن تسرق الكاميرا منه وتطلع الفنانة الشابة بأدب وذوق وتقول: "إن فنان زى أحمد مكى يدى مساحة لحد دى حاجة مابتحصلش والراجل عنده اللى يكفيه وزيادة إنه يسيب فنان قدامه يقول وهو سايب إيده".

صدمة الكبير بعد رؤيته لملابس مربوحة

- نقتحم الحياة الشخصية بقى.. ونشوف رأيي الزوج إيه.. وموقفه إيه.. وعمل إيه.. وهايعمل إيه.. فى "سيرة مراته اللى بقت على كل لسان".

طالع أيضا: رحمة أحمد تكشف كواليس مشهد دخلة "مربوحة" في الكبير أوي: صورناه في يوم ونص

- بسرعة بسرعة وقبل مزيد من الجهد والاجتهاد والشغل على النفس والمهنة والنجاح المتصاعد بثبات.. ندبسها فى دور بطولة مطلقة ونعرض عليها عروض سريعة تحرمها من فرص النضج الفنى الحقيقي.

- نحولها.. لنمبر وان.. معرفش مؤنث (وان) إيه .

- نتتبع أخبارها.. كل كلمة.. كل خطوة.. كل لبس كل حاجة، وعند أول غلطة، استنكار ومشاكل وقيل وقال لأنها طلعت مش عند توقعاتنا.. لأنها خرجت بره الصندوق اللى حطيناها فيه.

واختتم كلامه، نحن نلد النجوم.. ثم نحرقها.

ونالت رحمة أحمد إشادات كثيرة بعد ظهورها في الحلقة الخامسة من مسلسل "الكبير أوي" وتحديدا مشهد "ليلة الدخلة" والذي ظهرت فيه بملابس غريبة صدمت "الكبير".

إطلالات مربوحة في مشهد ليلة الدخلة

ويعرض مسلسل "الكبير أوي" على قناة ON الساعة 6:20 مساءً، ويعاد في تمام الساعة 1:50 بعد منتصف الليل و2:00 مساء اليوم التالي، على قناة ON.

كما يعرض عبر قناة "حكايات" الساعة 6:30 مساء، إعادة أولى الساعة 12:30 بعد منتصف الليل، إعادة ثانية الساعة 6:30 صباحا، إعادة ثالثة الساعة 12:30 ظهرا.

في حين يتم عرض المسلسل أيضا على قناة "حكايات2" الساعة 10:30 مساء، ويعاد عرضه الساعة 5:30 فجرا.

مسلسل "الكبير أوي 6" من بطولة أحمد مكي، هشام إسماعيل، رحمة أحمد، محمد سلام، بيومي فؤاد، ليلى عز العرب سماء إبراهيم وغيرهم من النجوم، المسلسل من تأليف وإشراف عام على السيناريو والحوار مصطفى صقر ومحمد عز الدين، إنتاج سينرجي، إخراج أحمد الجندي.

اقرأ أيضا:

هشام جمال يرد على أخبار خلافه مع دنيا سمير غانم بسبب "عالم موزاي" (فيديو)

قصي خولي: محمد رمضان يستحق لقب "نمبر وان" … الأخير يرد: شهادة اعتز بها

أحمد عز مع دوبليره في أحدث إعلاناته.. شبه كبير بينهما - فيديو

اقتباس أم صدفة؟ تشابه كبير بين "يو تيرن" وI Know What You Did Last Summer

لا يفوتك- 14 نجما غابوا عن دراما رمضان 2022 بعضهم اهتم بالسينما وآخرون غيبهم الموت

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5