هادي الباجوري: البوس عادي في السينما.. ومعنديش مشكلة زوجتي تعمل مشهد رومانسي

محمد أحمد | فى حياة المشاهير

هادي الباجوري

السبت , 12 فبراير 2022 - 20:02

رد المخرج هادي الباجوري على الجدل الذي تعرض له أحدث أفلامه "قمر 14" بسبب مشهد القبلة بين خالد النبوي وشيرين رضا.

وقال هادي الباجوري خلال لقائه مع الإعلامية ياسمين عز في برنامجها "كلام الناس" على قناة "Mbc مصر": "بوسة فيلم قمر 14 عادية والقبلات كانت حاجة عادية في السينما من 20 سنة وأنا مش هغير نفسي عشان الجمهور هما اللي محتاجين يتعالجوا.. والبوسة ليها معني في الفيلم وتمثل حب وتكون ضمن السيناريو".

نرشح لك: #شرطة_الموضة: سعر إطلالتي شيرين عبد الوهاب في "الدوم".. تخطى الـ150 ألف جنيه

وأشار إلى أنه لن يعترض على مشاركة زوجته الفنانة ياسمين رئيس في مشهد رومانسي، قائلا: "الممثلة اللي مش مستعدة للهجوم متشتغلش ممثلة أحسن، ومعنديش مشكلة زوجتي تعمل مشهد رومانسي في أعمالها، ومقدرش أقول غير كدا لأني بعمل مشاهد رومانسية وإزاي هقولها لا؟ هتقولي أنت منافق".

وذكر هادي الباجوري: "كل شخص عنده شخصيته وممكن يتعرض على ياسمين رئيس مشهد رومانسي وهي ترفض ومش لازم أنا ومراتي يكون فكرنا واحد".

وأضاف: "أحنا شعب غريب أوي وعندنا انفصام في الشخصية وبنحط راسنا في التراب وكل واحد حر يعمل اللي عايزة، واللي مش عاجبه ميتفرجش أحسن فأنا لا أهتم بـتعليقات الجمهور حول أعمالي الفنية".

وتابع هادي الباجوري: "كلام الناس لا يشغلني في شغلي ولا حياتي وممكن يضايقني أو يزعلني بس ومش بقيس نجاحي بالسوشيال ميديا ولا الشارع".

فيلم "قمر 14" يضم نخبة من النجوم من بينهم خالد النبوي، شيرين رضا، ياسمين رئيس، غادة عادل، خالد أنور وغيرهم نخبة من الفنانين. الفيلم من إخراج هادي الباجوري، وتدور أحداثه حول 5 حكايات منفصلة تدور كل منهم حول قصص الحب والعلاقات العاطفية.

لا يفوتك: تحليل النغمات مع عمك البات- تقييم ألبوم تامر عاشور "تيجي نتراهن"