كارولين عزمي بعد تعرضها للتحرش: حقي رجعلي وبقول لكل بنت متسكتيش

نادين يوسف | فى حياة المشاهير

كارولين عزمي

الخميس , 27 يناير 2022 - 16:01 | اخر تحديث: الخميس , 27 يناير 2022 - 16:01

كشفت الفنانة كارولين عزمي عن إلقاء القبض على المتحرش، وذلك عبر حسابها على موقع انستجرام

قالت كارولين "الحمدالله حقي رجعلي عايزة اشكر وزارة الداخلية والنيابة العامة على سرعة الاستجابة ووقفتهم"

وتابعت "شكرا انكم مسكتو الشخص دة في نفس اليوم"

نرشح لك: نور تبدأ تصوير مسلسل "راجعين يا هوا" لرمضان 2022

كما وجهت رسالة للفتيات وقالت "واحب اقول لكل البنات أي موقف تتعرضيله اوعي تسكتي واجهي ومتخافيش وحقك هيجيلك احنا بلد فيها قانون"

كما وجهت حديثها لأسرة المتحرش وقالت "مع احترامي لزوجته واولاده بس أنا مش هتنازل واتمنى يكون درس ليه وعبره لغيره"

يذكر أن كارولين عزمي كشفت عن تعرضها للتحرش أثناء قيادتها لسيارتها وقامت بتصوير المتحرش وكتبت عبر حسابها قائلة "مساء الخير، أنا اللي يعرفني أو متابعني عارف إني شخص مالوش في المشاكل ولا عمري شاركت مشكلة تخصني سوشيال ميديا".

وتابعت "باختصار النهاردة كنت في عربيتي وجنبي عربية فيها واحد كسر عليا، كل اللي عملتوا إني بصتله وبصيت قدامي فلقيته بيكرر نفس الحركة تاني بإستظراف، روحت طلعت الموبايل وعملت نفسي بصور عشان أخوفه وأخليه يبطل يضايقني"

وأضافت "اتفاجأت وهو بيقولي بتصوريني يا بنت ... ساعتها اتخضيت وبدأت أصور بجد وإنتوا هتشوفوا في الفيديو الحركات اللي بإيده والشتايم، وبدأ يقولي تعالي ورايا والحقيقة إني مش عارفة أروح واره فين أو كان عايز يعمل إيه ولانى اتوترت وخوفت ساعتها مقدرش أصور ١٪؜ من اللي عمله الشخص ده".

واختتمت كارولين عزمي"أنا اتشمت واتهانت واتشمت بأهلى بأقذر الشتايم النهارده من حد معرفوش ولا عملتله حاجة ولا فتحت بوقي لمجرد إنه شخص مريض، أكيد الشخص ده أذى بنات كتير لأنه تقريبا متعود على الحركات دي ومتعود يخوفهم ومش همه حتى إنه يتصور ويتفضح، أنا عايزة حقي يرجعلي".

View this post on Instagram

A post shared by Caroline Azmi - كارولين عزمى (@carolinekamalazmy)

وفي سياق آخر، تنتظر كارولين عزمي عرض مسلسل "أبو العروسة" الجزء الثالث يوم 29 من الشهر الجاري. المسلسل من بطولة سوسن بدر، سيد رجب، ولاء الشريف وغيرهم نخبة من النجوم

لا يفوتك: مفاجآت في "أسرار رشاقة الفنانات" .. أول شيء يدخل معدة منة شلبي؟ وصفة سمية الخشاب ونصيحة مي عز الدين