بعد نفي الأخ الأكبر.. عدوية شعبان عبد الرحيم: أخي طردني من البيت وأختي استأجرت من يقتلني!

مي جودة | فى حياة المشاهير

شعبان عبد الرحيم

الثلاثاء , 11 يناير 2022 - 22:00 | اخر تحديث: الثلاثاء , 11 يناير 2022 - 22:00

نفى عدوية شعبان عبد الرحيم ما أكده شقيقه خميس حول عدم وجود خلافات على الميراث بين أبناء الفنان الراحل.

قال عدوية شعبان عبد الرحيم في فيديو نشره عبر حسابه بتطبيق TikTok: "أنا تعبان أوي.. تعبت خلاص، الأخ اللي يمشي أخوه من البيت عشان خاطر الفلوس، يبقى أصله مش جدع، وأنا خلاص عملت لأخويا بلوك من قلبي مش التليفون بس، وأنا أخوك الصغير، وبقولك مش مرضي باللي حصل، أنا مش عاوز فلوس خلاص".

ابن شعبان عبد الرحيم: مفيش خلافات مع أخواتي بسبب الميراث.. كان فيه مشاكل زمان وحلناها

@adawyashaban انا مش عايز ورث من حد ولا عايز حاجة ابدا غير الادب والاحترام بجد سبوني اعيش فهدوء منغير مشاكل لان انا في بدايت طريقي وانا عايش بعيد عنكم ماحدش عارف عني حاجة ابوس اديكم سبوني اقف علي رجلي عشان انا عندي ٧ عيال ولادي وانا لوحدي دلوقتي وابويا مش جمبي عشان يشوف اخويا وهو بيمشيني من البيت #عدوية_شعبان_عبدالرحيم #ليك_متابعه_فولو_حركه_كسبلورر 💯 #اكسبلور_فولو ♬ الصوت الأصلي - عدويه شعبان عبد الرحيم 😘☝️

وتابع: أقسم بالله لو الفلوس اللي هتيجي من حاجة أبويا 10 مليون جنيه، أنا مش عاوز منهم جنيه، ولو أنتم هتبقوا مرضيين خلاص، اعملوا كده.

وأضاف: أنا كان معايا فلوس كتير أوي وضيعتها، مخدتش من حد فلوس، ولو خدت احنا لسه لينا حاجات نبيعها وأدفع اللي عليّ، أما إني كان معايا عربية ومبقاش معايا فأنا قفلت منها، كان عليّ مبلغ لأختي وبعتت لي ناس من قرايب جوزها على الطريق زنقوا علي عشان ياخدوا مني فلوس أو العربية أو يقتلوني.

وعلق عدوية شعبان عبد الرحيم على الفيديو كاتبا: "أنا مش عايز ورث من حد ولا عايز حاجة أبدأ غير الأدب والاحترام بجد سبوني أعيش في هدوء من غير مشاكل لأن أنا في بداية طريقي وأنا عايش بعيد عنكم محدش عارف عني حاجة أبوس إيديكم سيبوني أقف على رجلي عشان أنا عندي 7 عيال وأنا لوحدي دلوقتي وأبويا مش جمبي عشان يشوف أخويا وهو بيمشيني من البيت".

يذكر أنه نشبت في الفترة الأخيرة أزمة بين عدوية وعصام ابني شعبان عبد الرحيم، وذلك بسبب توزيع إرث والدهما، حتى وصلت الأمور بينهما إلى طرد عدوية من منزل والده الذي كان يعيش فيه مع زوجته.

لا يفوتك: قصص مرعبة لنجوم الفن - شبح شيكوريل الذي عاش مع عائلة أبوعوف ولماذا جريت يسرا ببيجامة النوم في الشارع