طليقة خالد عليش تهاجمه: بيستغلني أنا وبنتي في حروب مالناش دعوة بيها

محمد أحمد | فى حياة المشاهير

ميما الشامي وخالد عليش

الخميس , 23 ديسمبر 2021 - 13:12

شنت الفنانة ميما الشامي طليقة الإعلامي خالد عليش هجوما عليه، نافية ما قاله حول افتقاده ابنته وعدم تمكنه من رؤيتها، مؤكدة أن ذلك عاري تمامًا من الصحة وأنه يحاول دائمًا تشويه صورتها.

وكتبت ميما الشامي عبر خاصية ستوري حسابها بموقع التواصل الاجتماعي Instgram: "للأسف أنا بقالي فترة بيتم استغلال اسمي واسم بنتي في حروب وتريندات مالناش دعوة بيها وكنت ماسكة نفسي عن عدم الرد مهما حصل.. وأنا هرد على نقطة إنه بيصدر للإعلام إن البنت ممنوعة منه وهو هيموت ويشوفها، ومش هتكلم عن أي حاجة تانية، وده عشان عمري ما هبدأ بالكلام عن أي حاجة غير لو اضطريت زي دلوقتي".

نرشح لك - رسائل نجوم الفن للنادي الأهلي وجماهيره عقب التتويج بالسوبر الإفريقي

وأضافت: "للأسف وبشهادة كل الناس اللي حواليا، الأب اللي عمال يتكلم عن محكمة الأسرة وحق الأب في رؤية بنته وكذا نقطة ومعايا الورق الرسمي لكل كلمة".

وتابعت: "اتركوني أعيش في سلام وهدوء أنا وبنتي وأمي ومش عايزة أي حاجة لأن أنا لست بالذكاء الكافي للتحدث في السوشيال ميديا، ومبعرفش ألعب ألاعيبها خالص وممكن أكون بعك".

حديث ميما الشامي كان ردا على ما كتبه خالد عليش عبر حسابه بموقع Instgram حيث كتب: "في موقف حصل في اخر 2015 عمري ما انساه كنت راكن عربيتي في مكان وكنت داخل مستشفى بخلص فيها ورق في مصر الجديدة خرجت لقيت الونش شال العربية وداها مكان تاني ودمر الكبوت من قدام وحك العربية من معظم الأماكن".

وذكر: "كنت راجع البيت مش طايق نفسي حرفيا بس أول ما فتحت باب الشقة ميما بصلتي وهي صغنونة كده وابتسمتلي أول ابتسامة مباشرة ليا فضحكتلها أنا كمان ونسيت كل اللي مضايقني".

واستكمل: "أكتر حاجة مفتقدها هي الابتسامة البريئة دي وحضنها الدافي بصوابعها الصغنونة قبل النوم، ربنا يجمعني بيكي على خير دايما ويوفقني في أي قرار يخصك".

View this post on Instagram

A post shared by Khaled Eleish (@khaledeleish)

خالد عليش وميما الشامي تزوجا في ديسمبر 2013، وأنجبا طفلة، وقد انفصلا في نهاية العام الماضي، بعد زواج استمر 6 سنوات بعد خلافات كبيرة نشبت بينهما، ثم أقام حفل زفافه على الإعلامية ميرهان عمرو الشهر الماضي.

لا يفوتك- ماجد الكدواني عن "بره المنهج": كنت باكل وأشرب وأنام مع الشخصية وهذه تفاصيل شخصيتي في "وقفة رجالة 2"