فقر شديد وعلاج خاطئ..ابنة سيد مكاوي تكشف سر نظارته السوداء

FilFan | فى سينما وتلفزيون

ابنة سيد مكاوي

الأربعاء , 15 ديسمبر 2021 - 01:29 | اخر تحديث: الأربعاء , 15 ديسمبر 2021 - 01:29

أوضحت أميرة سيد مكاوي، ابنة الفنان الراحل سيد مكاوي، أنها كانت حتى سن السادسة تعتقد أن والدها قادر على الإبصار، وفي مرحلة لاحقة قامت بتمرين نفسها بهدف معرفة كيف يشعر الإنسان الكفيف.

‎

‎

وخلال استضافتها في برنامج "كلمة أخيرة" الذي تقدمه الإعلامية لميس الحديدي عبر قناة ON، قالت ابنة سيد مكاوي: "أنا لحد 6 سنين كنت فاكرة إنه بيشوف. أولا لإنه مكانش بيخليني أشوفه من غير نضارة."

‎

‎

وأضافت: "هو مش زي أستاذ عمار الشريعي عنده عين، هو إتعالج علاج خاطئ لإنهم كانوا فقرا قوي فعينه إتصفت، فمكانش عنده عين، وكان بيخاف أشوفه كده. زائد إنه عفريت جدا وبيعمل كل حاجة. بيعمل شاي ويصلح حاجات في البيت، وبيتحرك ويلبس لوحده."

‎

وتابعت: "هو شايف لدرجة إني ممكن أقف على باب الأوضة فيسألني مالك متضايقة من إيه من غير ما أتكلم، وكانت حاجات مرعبة في الطفولة. لما كبرت وفهمت ابتديت أمرن نفسي وأربط عيني بإيشارب مثلا وأمشي شوية في البيت، أشوف الدنيا عاملة إزاي، مخيفة جدا."

وردا على سؤال "عمره سألك شكلك إيه؟" أجابت: "عمره ما سألني أنا وأختي، وكان مرة في لقاء مع أستاذ مفيد فوزي ووصف شكلنا وألوان بشرتنا وعينينا، وأنت كنت قاعدة ورا المونيتور ولقيت أمي بتعيط فسألتها ليه، فقالت عشان عمره ما سألها شكلنا إيه."

لا يفوتك: نجوم على أبواب الطبيب النفسي .. فنانة حاولت الانتحار وأخرى اعترفت: أنا ملوثة

اقرأ أيضا:

لطفي لبيب: كتبت فيلما عن حرب أكتوبر منذ عام 1975 (فيديو)

فقدت صوتي وجزء من نظري..ريتا حرب تكشف حالتها الصحية بعد تعرضها لحادث سير

"ملكة المسرح" مسلسل جديد لـ مي عمر

هشام ماجد وشيكو كومبارس ... ملاحظات على الحلقة الثانية من "اللعبة بجد وجد"

حمل آبلكيشن FilFan ... و(عيش وسط النجوم)

جوجل بلاي| https://bit.ly/3c7eHNk

آب ستور| https://apple.co/3cc0hvm

هواوي آب جاليري| https://bit.ly/3wSqoRC