14 تصريحا من أحمد العوضي عن ياسمين عبد العزيز.. من رفضه العمل معها إلى البكاء أمام الطبيب

محمد أحمد | فى حياة المشاهير

أحمد العوضي وياسمين عبد العزيز

الجمعة , 10 ديسمبر 2021 - 16:20 | اخر تحديث: الجمعة , 10 ديسمبر 2021 - 16:50

حل الفنان أحمد العوضي ضيف على الإعلامية منى الشاذلي في برنامج "معكم" في الجزء الثاني من حلقة زوجته الفنانة ياسمين عبد العزيز.

ويرصد موقع FilFan.com ملخص تصريحات أحمد العوضي والتي تحدث فيها عن فترة مرضها ونجاتها من الموت وأسرار رحلة علاجة في الخارج..

نرشح لك: برحلة نيلية وجملة "أنتي قلبي وربنا" ... عمر كمال يثير الجدل بفيديو جديد مع شيماء المغربي

- أنا شخص شعبي من عين شمس وبفتخر إنى من منطقة شعبية.

- كنت أولى إنى أعمل شخصية "الخديوي" ابن البلد المجدع حتى لو خارج عن القانون في مسلسل "اللي مالوش كبير".

- الضعف ربنا خلقه في البنى آدم، والإنسان ليس قويا طوال الوقت.

- ياسمين عبدالعزيز بتعمل كوباية شاي غريبة، وذاكرتها مثل السمكة تنسى سريعا الأشياء، وكلمتي في البيت هي اللى بتمشي.

- أصعب شيء إن شريك حياتك مش قادر تساعده وأنا كنت محطم طوال الوقت خلال مرض ياسمين عبد العزيز فأنا بكيت خوفًا عليها وكنت محطم جدًا.

- ياسمين خلال فترة مرضها كانت في حالة صعبة، والأطباء كانوا يؤكدون أنها ستموت.

- المحنة التي أصابتني في ياسمين كانت صعبة وكان ممكن أفقدها في أي لحظة والشكوى للناس غير مجدية.

- إحدى السيدات قابلتني في المستشفى وعاتبتي بشدة بسبب لقب "وحش الكون" عليها وقالت هي التي تسببت في تعرضها للحسد وتراجع حالتها الصحية.

- أزمة ياسمين عبد العزيز قوت علاقتنا، وحبتها أكتر بكتير من الأول.

- ياسمين عبد العزيز كان في خطتها بعد نجاح مسلسلها "ونحب تاني ليه"، ترجع للسينما بدور جديد، وبعدها اتعرض علينا مسلسل "اللي مالوش كبير".

- الحقيقة رفضت المسلسل واعترضت أن أمثل مع مراتي، وقلت للمنتج المسلسل ده هيكون سبب طلاقي من ياسمين وأنا بحبها ومش عايز حياتنا تنتهي.

- حياتنا كلها أكشن لكن بصراحة المؤلف عمرو محمود ياسين عبقري وصاغ السيناريو بشكل مبدع وعلّم مع الناس.

- علاقتنا جماهيرية ودايما الناس في تفاصيلنا أكتر، ودي حاجة بتسعدنا، وهنا قولت مش كفاية أنا وأصحابي بس ندعيلها، عشان كده لجأت للناس عشان يدعولها، وكتبت بوست.

- الحياة مش مستاهلة خناقات، واتعرضت لموقف إن ممكن في لحظة ياسمين متبقاش معايا فالمواضيع بينا زي أي زوجين المشاكل ما بينهم بتكبر، لكن معانا مبتكبرش، لأن أنا جربت إنها ممكن متبقاش معايا.

لا يفوتك: هيثم نبيل لـ "في الفن": التنوع في الموسيقى جميل وضد المنع لمجرد المنع