اللي لازم يكون كبير في المرأة عقلها.. ملخص حكم ومواعظ سمية الخشاب في الحب والحياة

مروة لبيب | فى حياة المشاهير

سمية الخشاب

الأحد , 22 أغسطس 2021 - 14:55 | اخر تحديث: الأحد , 22 أغسطس 2021 - 16:07

خلال الآونة الأخيرة، أصبح حساب الفنانة سمية الخشاب عبر Twitter، منصة لتوجيه النصائح لجمهورها.

أصبح جمهور سمية الخشاب ومتابعيها ينتظرون فقرتها الأسبوعية التي تتواصل فيها معهم بشكل مباشر وترد على أسئلتهم في مختلف مجالات الحياة.

صحيح أن سمية الخشاب تمتلك خبرة كبيرة في الحياة ، في ظل التجارب العديدة التي مرت بها إنسانيا وفنيًا ، ولكن ما الذي دفعها الآن لتحول منصاتها على مواقع التواصل الاجتماعي إلى مساحة مفتوحة لتقديم هذه الخبرات ؟

نرشح لك: أول تعليق من سمية الخشاب على الصورة التي أثارت الجدل بعد عقد قران أحمد سعد

بالبحث في أرشيف تغريدات سمية على موقع Twitter وجدنا مجموعة كبيرة من النصائح والمقولات والإجابات التي تكشف الكثير من الجوانب في شخصية سمية الخشاب ، وتعالى نستعرضها معا في النقاط التالية :

- المكان اللي بتبرر فيه تلقائيتك لا يمكن يبقي مكانك

- لما تلاقي نفسك مش متقدر في علاقة حب أو عمل انسحب بكرامتك احسن ما يحصل حاجه مباشرة تهز ثقتك في نفسك

-اللي لازم يكون كبير في المرأة عقلها لأنه ممكن يجذب أي شخص اكثر من أي حاجه تانيه

-حبي نفسك الاول عشان تحبي وتتحبي

-الناس كلها جميله وكل واحد عنده نوع جمال بيميزه

-حاولوا متخلوش التنمر يأثر علي صحتكم النفسيه ابدا بالعكس بيبقي وقود عشان تقهروهم اكتر بثقتكم فنفسكم

-الناس دايما بتتكلم فاللي يتكلم اديله علي دماغه عشان يبقي عنده سبب واضح يتكلم عشانه

-اشربي عصير اخضر و فكك من صحابك المعقدين ومتسمعيش أي كلام سلبي من أي حد سواء علي شكلك او جسمك او حياتك او حتي مستواكي الدراسي، واعملي اللي بتحبيه من غير ما تأذي الاخرين.

-لو فشلت في علاقة اشغل نفسك بنفسك، اهتم بنفسك اكتر وحبها، وافتكر ان العالم فيه ٧ مليار يعني دي مش اخر علاقه فالكون اكيد

-لو محتارة بين شغل بتحبيه وشغل بتقبضي منه كويس، حاولي توزني بين الاتنين، شوفي حاجه تكوني شغوفة تجاهها وفي نفس الوقت متخسريش المضمون.

وكانت الفنانة سمية الخشاب قد أثارت الجدل مؤخرا، بعد نشر صورة لها فسرها البعض بطريقة مثيرة للجدل وربط الجمهور بين صورة سمية واحتفال أحمد سعد بعقد قرانه.