لبنى ونس لـ محمد رمضان ربنا هايجيب حق ابني

نهال ناصر | فى حياة المشاهير

لبنى ونس ومحمد رمضان

13 مارس 2021 | اخر تحديث: السبت , 13 مارس 2021 - 11:03

وجهت الفنانة لبنى ونس رسالة للفنان محمد رمضان، بعد إصابة ابنها في تصوير إعلان له، بإصابات بالغة.

ونشرت لبنى عبر حسابها على Facebook صورة لساقي ابنها ويظهر عليها إصاباته بحروق، وكتبت: "إذا عملنا كل حاجة طبيعية وحقيقية كنا هَلَكنا، ولاتُلقوا بأيديكم إلى التهلُكه. يعنى إذا فى مشهد يا أستاذ محمد التمساح بياكلك نترحم عليك ويبقى آخر مشهد فى حياتك، فى مهنتنا يا أستاذ محمد رمضان وأنت وأنا وكلنا عارفين إن ما يسمى بالنجم استغفر الله العظيم بيتعاملوا معاه فى اللوكيشن كأنه إله هو المِحور والكل يدور حوله، هل ممكن تتعرض لما حدث لابني فى التصوير معاك، مستحيل طبعا بتعمل أكشن وبتبقى عارف قبلها كل تفاصيله مرة واتنين وعشرة واللى عاجبك بتوافق عليه واللى مش عاجبك بتغيره".

نرشح لك: تفاصيل إصابة ممثل شاب في إعلان محمد رمضان... استخدام قنبلة غير مطابقة للمواصفات

وتابعت: "يعنى القنبلة اللى زرعها عصام الوريث لابني تحت منه ومن غير ما يقوله ولا حتى يلبسوا واقي يقدر يعمل معاك كدة ليه؟!!!!أنت بني آدم وابني مش بني آدم أنت أغلى الناس عند والدتك ويوسف نن عيني ومافيش أغلى من الضنا حط ابنك مكان يوسف هاتقول برضه كله فى حبكم يهون بس أرجع واقولك ابني ربنا هايجبله حقه من اللى اسمه عصام الوريث دة اللى ميعرفش أبجديات عمله اللى بيستبيح حياه الشباب عشان يحقق الطبيعية المزعومة الغلط اللى حضرتك بتتكلم عنها حق بني إن شاءالله هايرجعله مش هاسيبه عشان يبطل سي الوريث دة أنه يستهين بحياه الناس، سؤال بقى لما نموت سيادة النجم هايندفن فين ؟؟؟؟؟ الديان والعدل والحق موجود وأعتمدنا عليك يارب".

وتعرض يوسف عمر لإصابات خلال تصوير الإعلان، إذ تم وضع قنبلة أسفل قدميه، وكان مصمم المعارك أخبره أنها قنبلة صوت فقط، لكن بعد التفجير اتضح غير ذلك.

اقرأ أيضا:

سقوط عمرو دياب على المسرح في حفل خاص..فيديو

كندة علوش: جربت البوتكس واكتئبت بسببه (فيديو)

سمية الخشاب في جلسة تصوير جديدة: الجمال العربي الأصيل

هيفاء وهبي تحتفل بعيد ميلادها مع أصدقائها (فيديو)