الملخص- لبلبة: أنور وجدي خدني على الجاهز ولهذا السبب غيرت اسمي

مي جودة | فى حياة المشاهير

لبلبة

السبت , 23 يناير 2021 - 02:16

حلت الفنانة لبلبة ضيفة على برنامج "باب الخلق" الذي يقدمه الإعلامي محمود سعد عبر شاشة "النهار".

وخلال الحلقة تحدثت لبلبة في كثير من المواضيع الفنية والشخصية، ويرصد موقع FilFan.com أبرز تصريحاتها:

- الفن هو حياتي، ومش شقيانة، لأني أستمتع به، أنا والجمهور أصبحنا حاجة واحدة، وجمهوري رباني وأنا كبرت مع أولاده، ومش بحب أكون نجمة.

- اتعودت أشوف حد في الصالة يتفرج أفضل وراه لحد ما أضحكه.

- لم يكن أحد يتوقع استمراري في الفن.

- المخرج نيازى مصطفى هو من اكتشفني، وأنور وجدي خدني على الجاهز.

- قدمت عرضا أمام المخرج نيازي مصطفى وأبو السعود الإبياري، وعندما سألني نيازي عن اسمي، وقلت له نونيا، أبو السعود الإبيارى قال عاملة زى الـ"لبلب"، قالوا ما نسميها لبلبة.

- تعودت أن أعيش بالقليل أو الكثير، وأعيش على قدي، وبأقل حاجة بأرضى، وعلى قلبي زي العسل، ومباكلش لا لحمة ولا فراخ.. رضا.

- جوايا يقين إن ربنا هيبعتلي حاجة مميزة وحلوة وهتبين أشياء جديدة عندي لسه مطلعتش، وأنا مستنياها، ولو مجتش شكرا.

- عادل إمام شخصية لازم تحبها وتاخد قلبك، ولما بشتغل معاه بسيب نفسى، وهو واخد باله من كل حاجة، وبعدين فهمته، أنه امتى أتكلم، ولما بشتغل معاه عينى على عينه وبقه.

- كان ممكن يكون فيه جواز تاني وتالت، وكنت أحب اللي طلبني يتجوزني، لكن ما بيحبوش الفن، وقالوا (إزاى تتصور وتخلي عادل إمام يحضنها) قلت لا لازم يتذوقوا الفن.