فيديو- عبد الباسط حمودة لحمو بيكا وعمر كمال... كفاية الناس بتضحك عليكم وكلوا عيش!

ولاء مطاوع | فى حياة المشاهير

عبد الباسط حمودة

الاثنين , 21 ديسمبر 2020 - 01:12 | اخر تحديث: الاثنين , 21 ديسمبر 2020 - 01:12

وجه المطرب الشعبي عبد الباسط حمودة رسالة شديدة اللهجة لكل من مطربي المهرجانات عمر كمال وحمو بيكا بشأن الخلاف الذي نشب مؤخرتا بينهما.

وقال عبد الباسط حمودة في فيديو مباشر عبر صفحته على Facebook إنه من العيب أن يفضح كل من حمو بيكا وعمر كمال بعضهما على الملأ، لأنهما بهذا الأمر يثيران سخرية وضحك الناس منهما، كما أنهما لا يفعلان أمرًا صعبًا ولا يغنيان من نوتة موسيقية بحد تعبيره وأضاف:"أصل أنتو بتعملوا إيه يعن مبتغنوش من النوت، أنتو بتاكلوا عيش ربنا كارمكم وبتاكلوا عيش كملوا في اللي بتعملوه وداروا على شمعتكم، اسمعوا الكلام من أخ ليكم أو أب".

أضاف حمودة أن مطربي هذه الأيام لم يشاهدوا مطربي الزمن القديم، ولكنهم يفتحون موقع Youtube ويحفظون ما يسمعون ثم يرددونه، فهم لا يقومون بأي شيء صعب أو مرهق: "كل واحد بيعمل حاجة وأنتو بتكملوا بعض، الناس بتضحك عليكم والله بلاش الفضايح دي، وأنت كسبت كذا وفلان كذا، هو أنتو شوفتوا مكسب زي اللي شوفناه، أحمد عدوية وكتكوت الأمير كانت الفلوس بتتكنس زراهم بمقشة".

تابع: "أنتو في بقكم معلقة دهب ما شقيتوش ولا اشتغلتوا في موالد، وأنت يا عمر يا كمال أول ما جيتلي عملت معاك فيديو عديت، ولا قولتلي سلام ولا قولتلي ألو، لا سؤالك يفيدني ولا كلامك يفيدني، لأن كل واحد معروف هو مين، لكن شاكوش كان بيكلمني من الإمارات كل يوم عايز إيه يابا وعايز إيه ياخال أجيبلك إيه، ومحمود الليثي ربنا يخلي له عياله في أي حتة بيوطي على إيدي يبوسها، شاكوش لحد الآن بيقولي أنا بقلدك يابا، أنت بقى يا عم عمر كمال قولي كده رفعت سماعة التليفون وقولت لي سلام عليكم؟ مش هيفيدني بس عموما خليكم مؤدبين واسمعوا الكلام إيه اللي بتقولوه على الهوا ده وعربيات إيه وكلام إيه، وملحن إيه اللي بيقول أنا ملحن ده دلوقتي الأغنية بتتلحن في دقيقتين".

قال: "حمو بيكا مبيغنيش بس ربنا كارمه، عاطي له الحتة اللي ياكل منها عيش، ماتسمعوش لحد لو مختلفين مع بعض يبقى كل واحد في حاله، وأنت ياعمر يا كمال خليتك عملت تريندات عدت الفلنكات وأنت في أول زيارة لبيتي بأغنية، هو أنتو كده قلة الأصل عندكو على الكيف، وعايز أقول لبيكا خليك في طريقك ومتديش ودنك لحد وركز في مصلحتك".

وكان مطرب المهرجانات حمو بيكا قد شن هجوما على عمر كمال بسبب خلاف حول تسجيل أحد المهرجانات.

وأوضح في بث مباشر كيف بدأ تعاونه الغنائي مع عمر كمال، قبل أن يتطرق لتفاصيل الخلاف الذي بدأ بعد تصوير مهرجان "أنتي معلمة"، التي تم تنفيذها على أن تكون حقوقها مملوكة لعمر كمال وتم تنفيذها وفقا لرؤيته، مشيرا إلى تلقيه مكالمة من مدير أعماله يخبره فيها بوجود مشروع مهرجان جديد مع الموزع الموسيقي "ساسو" بعنوان "فستان الفرح" وأنه مطلوب منه غنائه مع عمر كمال.

أكد حمو بيكا أن عمر كمال رحب بالتعاون معه في المهرجان الجديد، وهو ما جعله يمنح موافقته لمدير اعماله لكي يحصل على مقدم للتعاقد، لكن عمر كمال ظل يماطل لعدة أيام رافضا تسجيل المهرجان الذي اتفق على تقديمه.

عبر حمو بيكا عن غضبه تجاه الأصدقاء المزيفين الذين ندم على معرفتهم، مؤكدا أن عمر كمال شخص سيء لا يهمه سوى جمع الأموال ولا يتعامل معه باحترام، رغم أنه أكثر نجومية منه.

اقرأ أيضًا:

تفاصيل اتهام سارة الطباخ لمحمد الشرنوبي بسرقة اسكوتر!

بسبب مي حلمي... زوجة تامر عاشور تهاجم محمد رشاد: اللي على راسه بطحة