زكي فطين عبد الوهاب: مش فاهم "فشخرة" رواد الساحل والجونة!

ولاء مطاوع | فى حياة المشاهير

زكي فطين عبد الوهاب

الاثنين , 24 أغسطس 2020 - 00:25

استعاد الفنان زكي فطين عبد الوهاب ذكريات الماضي والترفيه في ستينيات وسبعينيات القرن الماضي.

كتب عبد الوهاب منشورًا عبر حسابه على facebook، عبر فيه عن استيائه مما يحدث في بعض المصايف هذه الأيام قائلا: "أنا عندي 64 سنة.. جيل الستينات عشان أكون واضح.. أنا مش عارف ولا فاهم إيه "الفشخرة" والتعالي اللى عايشين فيه رواد الساحل الشمالي والجونة الأيام دي؟.. أنا أنتمي لعائلة غنية ومشهورة.. ومع ذلك كنت بركب الـ " ميكروباص" من جاردن سيتي لنادي الجزيرة.. وبناكل كشري في باب اللوق ودى كانت متعة بجد.. عشان بنحتك بالطبقة الحقيقية للشعب".

تابع نجل الفنانة الراحلة ليلى مراد: "وأخويا لما دخل الجامعة.. أمي جابت له عربية " فيات ١٢٨".. مع إنها كانت ممكن تجيب له عربية "مرسيدس".. والمصيف كان بين 3 أماكن.. " المعمورة" والمنتزه شاطئ و"بار عايدة" و"بيانكي العجمي".. والخدم كانوا بينزلوا معانا بعد فترة الغدا في نفس الشاطيء اللي كنا بننزل فيه.. عمري ما شوفت البذخ والتعالي والألاطة اللي بشوفها اليومين دول.. الناس كانت أبسط بكتير.. على فكرة أنا مش" ناصري النزعة".. أنا بس عشقت الفترة دي.. ولسه عايش على ذكراها .
‎ ‎
يُذكر أن زكي فطين عبد الوهاب أعلن قبل فترة عن إصابته بمرض السرطان، بعدما نشر صورته وهو حليق الرأس ‏على ‎Facebook، وتعافى من المرض بعد خضوعه للعلاج، وعاد لاستئناف نشاطه الفني‎.‎

اقرأ أيضاً
صورة- مين نكشو؟... أيتن عامر تنفعل على متابعة بسبب ابنة كريم فهمي!

للمرة الثالثة... تجديد حبس محمد وزيري في قضيته مع هيفاء وهبي